பிரிட்டானியா இன்டஸ்டிரீஸின் முழு கட்டுப்பாடும் நுஸ்லி வாடியா குரூப்பிடம் வருகிறது

மும்பை : இந்தியாவின் மிகப்பெரிய பிஸ்கட் நிறுவனமான பிரிட்டானியா இன்டஸ்டிரீஸின் முழு கட்டுப்பாடும் நுஸ்லி வாடியா குரூப்பிடம் வருகிறது. பிரிட்டானியா இன்டஸ்டிரீஸின் 25.48 சதவீத பங்குகளை வைத்திருந்த பிரஞ்ச் உணவு நிறுவனமான தானோன் குரூப், அந்த 25.48 சதவீத பங்குகளை நுஸ்லி வாடியா குரூப்பிற்கு சொந்தமான லீலாலேண்ட்ஸ் நிறுவனத்திற்கு விற்க சம்மதித்திருக்கிறது. ஏப்ரல் 14ம் தேதி இந்த பங்குகள் லீலாலேண்ட்ஸ் நிறுவனத்திற்கு கைமாறும் என்று சொல்லப்பட்டிருக்கிறது. சுமார் 200 மில்லியன் டாலர் ( சுமார் 1,000 கோடி ரூபாய் ) கொடுத்து தானேன் குரூப்பிடமிருந்த 60.86 லட்சம் பிரிட்டானியா இன்டஸ்டிரீஸின் பங்குகளை ( 25.48 சதவீதம் ) வாங்குவதன் மூலம், பிரிட்டானியா இன்டஸ்டிரீஸின் முழு கட்டுப்பாடும் லீலாலேண்ட்ஸ் இடம் வந்து விடுகிறது. இந்த பங்குகளை வாங்குவது தொடர்பாக, கடந்த மூன்று வருடங்களாக தானோன் குரூப்புக்கும் லீலாலேண்ட்ஸ் நிறுவனத்திற்கு மிடையே நடந்து வந்த கடும் போராட்டம் இதன் மூலம் முடிவுக்கு வருகிறது.

வருது வருது வால்மார்ட் வருது!

டெல்லி: பார்தி ஏர்டெல்லுடன் ஒப்பந்தம் போட்டு கிட்டத்தட்ட 30 மாதங்கள் கழித்து தனது கூட்டு வர்த்தகத்தை இந்தியாவில் கடைப்பரப்ப வருகிறது உலகின் முதல் நிலை சில்லறை வர்த்தக நிறுவனமான வால்மார்ட்.

‘பார்தி வால்மார்ட்’ என்ற புதிய நிறுவனத்தின் கீழ் இந்திய முழுக்க ‘கேஷ் அண்ட் கேர்ரி’ எனும் பெயரில் புதிய சில்லறை விற்பனை நிலையங்களைத் திறக்க உள்ளன. முதல் கிளை பஞ்சாப் மாநிலம் அமிர்தசரஸ் நகரில் இன்னும் சில தினங்களில் துவங்குகிறது.

பார்தி நிறுவனத்தின் துணைத் தலைவர் ரஞ்சன் பார்தி மித்தல் இந்தத் தகவலை எப்ஐசிசிஐ கூட்டத்தில் அறிவித்தார்.

இந்த கேஷ் அண்ட் கேர்ரி கடைகள் ஆரம்பத்தில் சில காலத்துக்கு வட இந்திய நகரங்களில் மட்டுமே திறக்கப்படும். அஹ்கு முழுமையாகக் காலூன்றிய பிறகே தெற்குப் பக்கம் வருவார்களாம்.

ஏற்கெனவே இந்த கடைகள் தங்களுக்கான வாடிக்கையாளர்களைப் பதிவு செய்யும் பணியில் இறங்கிவிட்டன. இப்போதாக்கு இவர்களின இலக்கு பொதுமக்கள் அல்ல. பெரிய நிறுவனங்கள், மருத்துவமனைகள், ஹோட்டல்கள், சிறு வியாபாரிகள், சமையல்காரர்கள்… இவர்களை தங்கள் வாடிக்கயாளராக மாற்றிக் கொண்டு அவர்களுக்கு மொத்தமாக பொருட்களை விற்பதுதான் திட்டம். வீடுகளுக்கும் கூட இந்த மாதிரி மொத்த டெலிவரி செய்வார்களாம்.

பஞ்சாப் மற்றும் ஹரியானா மாநிலங்களில் ஈஸிடே எனும் பெயரில் சில்லறை விற்பனை நிலையங்களை பார்தி நிறுவனம் நடத்தி வருவதால், வாடிக்கையாளர்களைப் பிடிப்பது சுலபமாகவே உள்ளதாம். இந்த ஈஸிடே ஷோரூம்களுக்கு டெக்னிக்கல் உதவிகள் உள்பட பலவற்றை வால்மார்ட் வழங்கவிருக்கிறது. இது தவிர கேஷ் அண்ட் கேர்ரியும் தனியாக நடக்கும்.

சில காலத்துக்குப் பின் ஈஸிடே கடைகளில் வால்மார்ட்டும் ஈடுபடக்கூடும்.

சார்லஸ் டிக்கன்ஸின் ‘ பிளீக் ஹவுஸ் ‘ விற்பனைக்கு வருகிறது

லண்டன் : பிரபல ஆங்கில நாவலாசிரியர் சார்லஸ் டிக்கன்ஸின் இரு நூறு ஆண்டு கால பழமையான வீடு விற்பனைக்கு வருகிறது. இங்கிலாந்தின் கென்ட் பகுதியில் பிராட்ஸ்டேர்ஸ் என்ற இடத்தில் இருக்கும் பிளீக் ஹவுஸில் என்ற அவரது வீட்டில் இருந்து தான், டேவிட் காப்பர்ஃபீல்ட் என்ற பிரபல நாவலை அவர் எழுதினார். ஆறு படுக்கை அறைகளைக்கொண்டு, ஒரு கோட்டையைப் போல காட்சியளிக்கும் இந்த வரலாற்று சிறப்புமிக்க வீடு தான் இப்போது விற்பனைக்கு வருகிறது. டெரன்ஸ் பெயின்டர் புராபர்டீஸ் என்ற ரியல் எஸ்டேட் நிறுவனம் இதனை விற்க இருப்பதாக அறிவித்திருக்கிறது. இதன் விலை 2 மில்லியன் பவுன்ட்ஸ் ( சுமார் 15 கோடி ரூபாய் ) என்றும் சொல்லப்பட்டிருக்கிறது. கடற்கரையை ஒட்டியி ருக்கும் இருக்கும் இந்த வீடு, இங்கிலாந்தில் இருக்கும் வரலாற்று சிறப்புமிக்க வீடுகளில் ஒன்றாக கருதப்படுகிறது. 1801ம் வருடம் கட்டப்பட்ட இந்த வீடு, 2006ல் நடந்த தீ விபத்தில் பெரிய அளவில் பாதிக்கப்பட்டு, 40,000 பவுன்ட்ஸ் செலவு செய்து சரிசெய்யப்பட்டது. இந்த வீடு இப்போது எதற்காக விற்கப்படுகிறது என்பது தெரிய வில்லை. இத்தனைக்கும் இந்த வீட்டின் இப்போதைய சொந்தக்காரரான ரிசர்ட் ஹில்டன், ஒரு பிரபல ஜூவல்லரியின் <உரிமையாளர். சமீப காலமாக அவரது ஜூவல்லரி பிசினஸ் கொஞ்சம் டல் அடிப்பதாக சொல்லப் படுகிறது. ஹில்டனின் மகள் கெல்லி, கடந்த மாதம் ஜூவல்லரி விற்பனையின் போது, ஹால்மார்க் மோசடி ஒன்றில் சிக்கி இருக்கிறார். இப்போது அவர், அதற்காக தண்டனையை எதிர்நோக்கி இருப்பதாகவும் சொல்லப்படுகிறது. இப்படி பல்வேறு பிரச்னையில் ரிச்சர்ட் ஹில்டன் சிக்கி இருப்பதால் தான் அவர் அந்த வீட்டை விற்க முன் வந்துள்ளார் என்று சொல்லப்படுகிறது.

நானோ காரை விட அதிக விலையுள்ள புல்லட் பைக்

மும்பை : டாடாவின் நானோ கார் ஒரு லட்சம் ரூபாய்க்கு கொடுக்கப்படும் என்று சொல்லப்பட்டிருக்கிறது. இதர வரிகள் எல்லாம் சேர்த்தால் ரூ.ஒரு லட்சத்தை விடவும் கொஞ்சம் அதிகம் வரும் என்று சொன்னாலும், அதன் எக்ஸ் ஃபேக்டரி விலை ரூ. ஒரு லட்சம் தான். ஆனால் அதைவிடவும் அதிக விலையில் விற்கப்படும் பொருட்கள் எவ்வளவோ இருக்கின்றன. அதில் ஒன்று ராயல் என்ஃபீல்ட்டின் புல்லட் மேசிஸ்மோ மாடல் பைக். இதன் இப்போதைய விலை ரூ.1,06,000

எல்லாம் தேர்தல் மயம்

திங்களன்று சந்தைகளின் துவக்கமே அபாரமாக இருந்தது. சந்தை 186 புள்ளிகள் அதிகமாகி முடிந்தது. ஏறியதற்கு காரணம், ஜி-20 மாநாட்டின் தொடர்ச்சியாக விளையப்போகும் நன்மைகளும், ஷார்ட் கவரிங்கும் இருந்ததாலும் சந்தை மேலே சென்றது. வெளிநாட்டு முதலீட்டு நிறுவனங்கள் வாங்கியதும் சந்தை மேலே சென்றதற்கு ஒரு காரணம்.நேற்று துவக்கமே சந்தையில் பெரிய சரிவில் தான் துவங்கியது. 362 புள்ளிகள் கீழே சென்று 10,171 புள்ளிகள் வரை சென்றது. ஆனால், பீனிக்ஸ் பறவை போல சந்தை உயிர்த்தெழுந்து 362 புள்ளிகள் நஷ்டத்தையும் சரி செய்து பின்னர் 207 புள்ளிகள் மேலேயும் சென்றது. நம்ப முடிகிறதா? நம்பித்தான் ஆகவேண்டும்.இறுதியாக 207 புள்ளிகள் கூடி 10,741 புள்ளிகளைத் தொட்டிருக்கிறது. இது, 30 சதவீதத்திற்கும் மேலே சென்றிருக்கிறது. கடந்த ஐந்து மாதங்களில் இது தான் அதிகபட்ச உயர்வு. எல்லாம் தேர்தல் மயம்.ஏற்றுமதி புள்ளி விவரங்கள் ஏமாற்றம் தருவதாக உள்ளது. கடந்த ஆண்டு மார்ச் மாதம் மட்டும் அமெரிக்க டாலர் மதிப்பில் 17.25 பில்லியன் அளவு ஏற்றுமதி செய்திருந்தோம். ஆனால், இந்த ஆண்டு மார்ச் மாதம் அது 12 பில்லியன் டாலர் அளவிற்கு குறைந்துள்ளது. இது, 30 சதவீதம் குறைவு.

 – சேதுராமன் சாத்தப்பன் –

ஹரியானா-காங். எம்பி நவீன் மீது ஷூ வீச்சு

குருஷேத்ரா: ஹரியானா மாநிலம் குருஷேத்ராவில் நடந்த தேர்தல் பிரசார கூட்டத்தின் போது காங்கிரஸ் எம்.பி நவீன் ஜின்டால் மீது ஷூ வீசப்பட்டது. இதையடுத்து போலீசார் ஷூ விசியவரை கைது செய்தனர்.

சமிபத்தில் டெல்லியில் நடந்த பத்திரிகையாளர் கூட்டத்தில் உள்துறை அமைச்சர் சிதம்பரம் மீது சீக்கிய நிருபர் ஜர்னைல் சிங் ஷூவை விசி இந்திய அரசியலை பரபரப்பாக்கினார்.

இந்நிலையில்
காங்கிரஸ் எம்.பி ஜின்டால் இம்முறை தான் மீண்டும் போட்டியிடும் குருஷேத்ரா தொகுதியில் நடந்த தேர்தல் பிரசார கூட்டத்தில் கலந்து கொண்டார்.

அப்போது கூட்டத்துக்கு வந்திருந்த ராம் குமார் என்ற ஓய்வு பெற்ற பள்ளி ஆசிரியர் ஜின்டால் மீது ஷூ வீசினார். ஆனால், ஷூ அவர் மீது படாமல் சென்றது. இதையடுத்து அங்கு பாதுகாப்புக்கு இருந்த போலீசார் அந்த நபரை கைது செய்து, கூட்டத்தில் இருந்து தூக்கி சென்றனர்.

அப்போது ராம் குமார் கூறுகையி்ல, காங்கிரசின் கொள்கைகள் எனக்கு பிடிக்கவில்லை. அதனால் ஷூ வீசினேன் என்றார்.

இந்நிலையில் ஜின்டால் கூறுகையி்ல், அந்த நபர் நன்கு குடித்துவிட்டு வந்துள்ளார். அதனால் தான் அவ்வாறு நடந்து கொண்டார் என்றார்.

நன்கு உயர்ந்தது பங்கு சந்தை

மும்பை : வெளிநாட்டு மற்றும் உள்நாட்டு முதலீட்டாளர்களின் பெரும் பங்களிப்பால் இன்று பங்கு சந்தையில் நல்ல ஏற்ற நிலை ஏற்பட்டது. சென்செக்ஸ் 11 ஆயிரம் புள்ளிகளுக்கு மேலும், நிப்டி 3,500 புள்ளிகளை ஒட்டியும் சென்று முடிந்திருக்கிறது. இன்ஃராஸ்டரக்சர், பார்மா, சிமென்ட், மெட்டல் மற்றும் குறிப்பிட்ட ஆயில் அண்ட் கேஸ் நிறுவன பங்குகள் பெருமளவில் வாங்கப்பட்டதால் நிப்டியின் டி.எம்.ஏ., ( டெய்லி மூவிங் ஆவரேஜ் ) 200 ஐ தாண்டி விட்டது. நிப்டி 200 டி.எம்.ஏ.,ஐ தாண்டியிருப்பது அதிக மகிழ்ச்சி அளிப்பதாக இருக்கிறது என்றார் பிஎஸ்பிஎல்இந்தியா.காமின் சி.இ.ஓ., விஜய் பம்ப்வாணி. மும்பை பங்கு சந்தையில் இன்று 11,337.75 புள்ளிகள் வரை உயர்ந்திருந்த சென்செக்ஸ், மாலை வர்த்தக முடிவில் 317.51 புள்ளிகள் ( 2.9 சதவீதம் ) உயர்ந்து 11,284.73 புள்ளிகளில் முடிந்திருக்கிறது. தேசிய பங்கு சந்தையில் 3,497.55 புள்ளிகள் வரை உயர்ந்திருந்த நிப்டி, வர்த்தக முடிவில் 101.55 புள்ளிகள் ( 3 சதவீதம் ) உயர்ந்து 3,484.15 புள்ளிகளில் முடிந்திருக்கிறது. இன்று மிட்கேப் மற்றும் ஸ்மால்கேப் பங்குகள் தான் அதிகம் வர்த்தகம் ஆனது. இன்று மிட்கேப் இன்டக்ஸ் 3.95 சதவீதமும், ஸ்மால்கேப் இன்டக்ஸ் 5.32 சதவீதமும் உயர்ந்திருந்தது. மொத்தமாக கடந்த 8 வர்த்தக நாட்களில் மிட்கேப் இன்டக்ஸ் 25 சதவீதமும், ஸ்மால்கேப் இன்டக்ஸ் 29 சதவீதமும் உயர்ந்திருக்கிறது. வெளிநாட்டு முதலீட்டாளர்களும் இன்றைய வர்த்தகத்தில் அதிகம் ஈடுபட்டிருந்தனர். இன்று மொத்தம் ரூ.1,00,893.68 கோடிக்கு வர்த்தகம் நடந்திருக்கிறது. நீண்ட இடைவேளைக்குப்பிறகு இன்று மீண்டும் வர்த்தகம் ரூ.ஒரு லட்சம் கோடிக்கு மேல் நடந்திருக்கிறது. செப்டம்பர் 25, 2008க்குப்பின் இன்று தான் இவ்வளவு அதிகமான தொகைக்கு வர்த்தகம் நடந்திருக்கிறது. இன்றைய வர்த்தகத்தில் அதிகம் லாபம் சம்பாதித்தது ரிலையன்ஸ் இன்டஸ்டிரீஸ், பெல், எஸ்.பி.ஐ., என்டிபிசி, பார்தி ஏர்டெல், டிஎல்எஃப், எல் அண்ட் டி, ஐசிஐசிஐ பேங்க், ஹெச்டிஎஃப்சி, ரிலையன்ஸ் கம்யூனிகேஷன், மற்றும் டாடா மோட்டார்ஸ் ஆகியவையே.

NIFTY FUTURE

-Do u remember from…What level we are Bullish ?

-Do u know @ 2650 indicated price target of 2950

-Do u remember….we were writing about TRIANGLE Breakout..

Yes ,Height of Triangle was :804 points.

1)Our Target after Triangle Breakout was :3750

(At 2950 level…..we had written this level of 3750,already NF had kissed 3400 level )

2)1:1 Ratio :3566

3) 1.618 Ratio :4227

(Now ,What is 1:1 & What is 1.618 ….if u know Elliott wave then no problem for u )

-So above are three Targets :We can see very soon.

 

-Believe it or Not………..This is corrective Rally only-

To know …Today’s Strategy just scroll down

 

Don’t Forget & Don’t Ignore : 3 GAPS on NF chart.

Have u seen….Rising Wedge on Chart ?(It always favour Bears/Bring BAD NEWS too )

Two Consecutive close above 3350 will take to ??

3500—-3550 level.

(Thursday was 2nd day it closed above 3350 )

3& 7 DEMA ……….will act as support

(To know about ….Today’s trading …Scroll down )

Today will it cross 3440 ?

(If yes…then Nonstop rally will continue )

One Big Panic on card….in last week of this Month !!

-101% Exit from all Long before 23rd April’09

-Bull’s will take Rest –

-In Next 9 /30 Weeks….Sensex will kiss or cross 13000 level.

-Again we are writing ,This is Corrective Rally only-

-But…….if u are Rigid then u will not mint money-

-Watch TRIANGLE Breakout in Sensex/NF chart-

Watch the start of 3rd wave …….in both Sensex/NF chart-

Equities focus on the positive

Wall Street preps for earnings news

There are still plenty of shadows looming over the stockmarket

Does Obama really work for Wall Street?

The Secret Stress Tests

Why we should expect more pain to come

Earnings recovery could take 20 years?

What does $1 trillion look like?(Must see )

What really sells in a recession

How about some inflation and deflation?

Sign of the times – Wall Street stars begin to scatter

Bear market rallies call for different strategies

“If you have any common sense, you will not get levered to this rally.” – Howard Lindzon

Keep an eye on this – the incredibly shrinking market liquidity

The Dow/Gold Ratio as a stock market indicator

More meltdown!

Commodities have turned the corner

Alaskan oil forecasts

Brazil’s oil euphoria

China’s runaway steel train

Russia is leading the BRIC rally

Emerging markets go on a tear

Mexico’s investment wave

Smoke and mirrors at Wells Fargo?

TRADING OPTIONS WITH THE WISDOM OF MARK TWAIN.

Be honest – are you mentally lazy?

More info on Fibo retracements

Jack Bogle’s last crusade?

Speed and greed are today’s obsessions

Invest in your 20s and be a pimp for life.

Six Flags is a pretty terrible business these days.

Learn from this man’s story and watch out for umbrella thieves!

 

Congress a sinking ship; PM a night watchman: BJP

WHAM! OUCH!

India Panel: Current Account Likely Surplus

Mumbai businessman richest neta in LS race, with Rs514cr

Industry on upswing

Defence, import payments inflate Q3 current a/c deficit

 

The Importance of Being Secular

ONGC gas output may rise to all-time high by 2012-13

DLF set to price Delhi project 50% lower

Nalco shuts Orissa bauxite mines after Naxal attack

Non-immigrants in US: Indians drop to number

Buttermilk is a great drink for the summer

Tussauds unveil Sachin’s wax figure

Abhishek and Aishwarya: No time for love!

Sharmila censors Soha Ali’s gaalis?

MONEY MANAGEMENT

Proper money management is essential for successful trading. A disciplined trader cuts his losses short and outperforms a loser who keeps hanging on and hoping. As soon as you buy, place a stop-loss order. Greed and fear destroy traders by clouding their minds. The only way to succeed in trading is to use your intellect. The goal of a successful trader is to make the best trades. Money is secondary. If this surprises you, think how good professionals in any field operate. Good teachers, doctors, lawyers, farmers and others make money – but they do not count it while they work. If they do, the quality of their work suffers. Serious traders place stops the moment they enter a trade. We all like to hope that a trade will succeed – and a stop is a piece of reality that prevents traders from hanging on to empty hope. Learning to place stops is like learning to drive defensively. A stop is not a perfect tool but it is the best defensive tool we have

மார்ச் 23ம் தேதி வெளிவருகிறது டாடாவின் ‘ நானோ ‘ கார்

மும்பை : உலகின் மிக மலிவான காரான ‘ நானோ ‘வை, வரும் மார்ச் மாதம் 23ம் தேதி மும்பையில் வர்த்தக ரீதியாக டாடா மோட்டார்ஸ் அறிமுகப்படுத்துகிறது. ஏப்ரலில் இருந்து அந்த காருக்கான புக்கிங் ஆரம்பமாகும் என்றும் சொல்லப்பட்டிருக்கிறது. ஜனவரி 2008 ல் புதுடில்லியில் நடந்த ஆட்டோ எக்ஸ்போ வில் பொதுமக்களுக்காக நானோ கார் அறிமுகப்படுத்தப்பட்டாலும், வர்த்தக ரீதியாக வரும் மார்ச் 23ம் தேதிதான் அறிமுகப்படுத்தப்படுகிறது. மும்பையில் மார்ச் 23ம் தேதி இந்த கார் அறிமுகப்படுத்தப்பட்டாலும், இந்தியா முழுவதிலும் இருக்கும் டாடா மோட்டார்ஸின் டீலர்களிடம் ஏப்ரல் முதல் வாரத்தில் தான் இது பார்வைக்கு வைக்கப்படும். ஏப்ரல் இரண்டாம் வாரத்தில் இருந்துதான் அதற்கான புக்கிங் ஆரம்பமாகும். புக்கிங் விபரங்கள், 23ம் தேதி நடக்கும் அறிமுக விழாவில் சொல்லப்படும் என்று டாடா மோட்டார்ஸ் வெளியிட்ட செய்தி குறிப்பில் சொல்லப்பட்டிருக்கிறது. இந்தியாவில் 2008 ஜனவரியில் அறிமுகப்படுத்தப்பட்ட நானோ கார் ஜெனிவாவில் நடந்த ஆட்டோ எக்ஸ்போவிலும் அறிமுகப்படுத்தப்பட்டது. அப்போது இதனை பார்வையிட்ட வெளிநாட்டு கார் கம்பெனிகள், தாங்களும் இம்மாதிரி குறைந்த விலை காரை தயாரிக்க வேண்டும் என்று எண்ணின. பிரான்சின் நிஸன் – ரெனால்ட் நிறுவனம், குறைந்த விலை ஃபேமிலி காரை விரைவில் வெளியிடுவதாக அப்போது அறிவித்தது. ஆனால் பொருளாதார மந்த நிலை காரணமாக அந்த திட்டம் தள்ளி வைக்கப்பட்டிருக்கிறது.

ஃபோர்டிஸ் வசம் அப்போலோ மருத்துவமனை

பிரபல மருந்து நிறுவனமான ஃபோர்டிஸ் ஹெல்த்கேர், ராஜஸ்தானின் மாநிலத்தின் கோட்டா பகுதியில் அமைந்துள்ள அப்போலோ மோடி மருத்துவமனையை கையகப்படுத்துகிறது.   200 படுக்கை வசதிகளுடன் கூடிய அம் மருத்துவமனையை தனது நிர்வாகப் பொறுப்பில் கொண்டு வருவதாக இன்று BSE சந்தைக்கு அளித்த அறிக்கை ஒன்றில் இந்நிறுவனம் தெரிவித்துள்ளது. ராஜஸ்தான் மக்களுக்கு முற்றிலும் சிறந்த மருத்துவ சேவையை வழங்குவதே ஃபோர்டிஸின் நோக்கம் என்று அதன் நிர்வாக இயக்குனர் திரு.ஷிவிந்தர் மோகன் சிங் தெரிவித்துள்ளார்.

மேலும் அப்போலோ மோடி மருத்துவமனை ஃபோர்டிஸ் மோடி மருத்துவமனை என்று பெயர் மாற்றம் செய்யப்படுவதாக BSE க்கு அளிக்கப்பட்ட குறிப்பில் தெரிவிக்கப்பட்டுள்ளது. கடந்த ஒரு மாதத்தில் மட்டும் ஃபோர்டிஸூடன் இணைக்கப்படும் மூன்றாவது மருத்துவமனை இது என்பது குறிப்பிடத்தக்கது. மொரீஷியஸில் உள்ள ஃபோர்டிஸ் டார்னே கிளினிக் மற்றும் பெங்களூருவில் உள்ள அப்போலோ ஆர்.எம் மருத்துவமனை கடந்த மாதத்தின் துவக்கத்தில் ஃபோர்டிஸூடன் இணைக்கப்பட்டுள்ளன.


விண்னை நோக்கி செல்கிறது தங்கத்தின் விலை : இறக்குமதி வெகுவாக குறைந்து விட்டது

மும்பை : இந்திய பெண்கள் அதிகம் விரும்பும் உலோகமான தங்கத்தின் விலை விண்னை நோக்கி சென்று கொண்டிருக்கிறது. நேற்று ஒரு கிராம் ஆபரண தங்கத்தின் விலை ரூ.1,430 ஆக இருந்தது. தங்கத்தின் விலை, சாதாரன மக்களால் வாங்க முடியாத அளவுக்கு சென்று கொண்டிருப்பதால், அதன் தேவையும் ( டிமாண்ட் ) வெகுவாக குறைந்து விட்டது. இதனால் உலகிலேயே அதிகம் தங்கத்தை இறக்குமதி செய்யும் நாடான இந்தியாவில், ஜனவரி மாத தங்கம் இறக்குமதி மூன்றில் ஒரு பங்காக குறைந்து விட்டது. சாதாரணமாக மாதா மாதம் 60 டன் தங்கத்தை இறக்குமதி செய்து கொண்டிருந்த இந்திய தங்கம் விற்பனையாளர்கள், போன மாதத்தில் வெறும் 20 டன் தங்கத்தை தான் இறக்குமதி செய்திருக்கிறார்கள். தங்கத்தின் விலை அதிகமாக இருப்பதால் அதை வாங்குபவர்கள் எண்ணிக்கையை விட, பழைய நகைகளை விற்பவர்கள் எண்ணிக்கைதான் கடைகளில் அதிகமாக இருக்கிறது. எனவே தங்கம் விற்பனையாளர்களும் புது தங்க கட்டியை வாங்கி நகைகள் செய்து விற்பதை விட்டு விட்டு, பழைய தங்கத்தை வாங்கி, அதை உருக்கி. சுத்தப்படுத்தி, மீண்டும் நகைகளை செய்து விற்க ஆரம்பித்து விட்டார்கள். தங்கத்தின் விலை தொடர்ந்து கிராமுக்கு ரூ.1500 ஐ ஒட்டிய விலையிலேயே இருப்பதால், பிப்ரவரியிலும் ஜனவரியைப்போலவே தங்க இறக்குமதி குறைவாகவே இருக்கும் என்கிறார்கள். பாம்பே புல்லியன் அசோசியேஷன் தலைவர் சுரேஷ் ஹூண்டன் இது குறித்து பேசியபோது, பிப்ரவரியிலும் தங்கத்தின் இறக்குமதி என்றுமில்லாத அளவாக குறைந்து தான் இருக்கும் என்றார். மொத்தமாக கணக்கிட்டால் 2009 ம் ஆண்டின் மொத்த தங்க இறக்குமதி 400 டன்களை ஒட்டியே இருக்கும் என்று சொன்ன அவர், இது அதற்கு முந்தைய வருட இறக்குமதியை விட 45 சதவீதம் குறைவு என்றார். கடந்த 10 ஆண்டுகளில் இல்லாத மிக குறைந்த இறக்குமதி அளவு இதுவாகத்தான் இருக்கும் என்றும் சொன்னார்

50 காசுக்கு பேசும் திட்டம்: கட்டண விவரம் வெளியீடு

சென்னை: இந்தியா முழுவதும் எந்த நெட்ஒர்க்கிற்கும் ஒரு நிமிடத்திற்கு 50 காசுகளில் பேசும், ‘இந்தியா கோல் டன் 50’ திட்டத்திற்கான கட்டண விவரத்தை பி.எஸ்.என்.எல்., வெளியிட்டுள்ளது. சென்னையில் கடந்த ஞாயிற்றுக்கிழமையன்று பி.எஸ்.என்.எல்., நிறுவனத்தின் சார்பில் மூன்றாம் தலைமுறை ‘ 3 ஜி’ சேவையை முதல்வர் கருணாநிதி துவக்கி வைத்தார். அப்போது அவர், மார்ச் 1ம் தேதி முதல், நாடு முழுவதும் ஒரு நிமிடத்திற்கு 50 காசுகளில் பேசும், ‘இந்தியா கோல்டன் 50’ திட்டம் அமலுக்கு வரும் என்று அறிவித்தார். அந்தத் திட்டத்திற்கான கட்டண விவரத்தை பி.எஸ். என்.எல்., தெளிவாக அறிவித்துள்ளது.

இதுகுறித்து பி.எஸ்.என்.எல்., நிறுவனம் வெளியிட்டுள்ள செய்திக்குறிப்பு: இத்திட்டத்தில் புதிய சிம் கார்டு, சாதாரண பிரிபெய்டு திட் டங்களுக்கான விலையில் கிடைக்கும். இந்த 50 காசுகள் திட்டம் பெற முதல் மாதம் 375 ரூபாய்க்கு ரீசார்ஜ் செய்ய வேண்டும். இதில் 30 ரூபாய்க்கு பேசும் வசதி கிடைக்கும். இந்த ரீசார்ஜ் கூப்பன் 30 நாட்களில் காலாவதியாகிவிடும். இத்திட்டத்திற்கான, ‘பல்ஸ் ரேட்’ 60 வினாடிகள். இத்திட்டத்தில் இந்தியா முழுவதும் எந்த லேண்ட்லைன் மற்றும் மொபைல் போனுக்கும் உள்ளூர் மற்றும் எஸ்.டி.டி., கட்டணம் 60 வினாடிகளுக்கு 50 காசுகள்.இத்திட்டத்தில் குறிப்பிட்ட பி.எஸ்.என்.எல்., எண்களுக்கான கட்டண சலுகைகள் கிடையாது.

ஐ.எஸ்.டி.,யை பொறுத்தவரை அமெரிக்கா, கனடா, பிரிட்டன் மற்றும் இலங்கைக்கு நிமிடத் திற்கு 7.20 காசுகளும், நேபாளம், வங்கதேசம், பூடான், மாலத்தீவு மற்றும் பாகிஸ்தான் நாடுகளுக்கு நிமிடத்திற்கு ஒன்பது ரூபாயும் கட்டணம் நிர்ணயிக்கப்பட்டுள்ளது. பிரிட்டனை தவிர்த்த ஐரோப்பிய நாடுகள், சிங்கப்பூர், தாய்லாந்து, மலேசியா, இந்தோனேஷியா, ஹாங்காங், குவைத், பகரைன் மற்றும் ஐக்கிய அரபு நாடுகளுக்கு ஒரு நிமிடத்திற்கு 9.60 காசுகளும் இதர பகுதிகளுக்கு பேச நிமிடத்திற்கு 12 ரூபாயும் கட்டணம் வசூலிக்கப்படும். உள்ளூர் மற்றும் தேசிய அளவில் எஸ்.எம்.எஸ்., அனுப்ப 50 காசுகளும் வசூலிக்கப்படுகிறது. மற்ற கட்டணங்கள் அனைத்தும் பிரிபெய்டு பொது திட்டத்தை போன்று அமையும். இந்த திட்டத்தை தொடர்ந்து பெற மாதம் தோறும் 375 ரூபாய்க்கு ரீசார்ஜ் செய்ய வேண்டும். இவ்வாறு செய்திக்குறிப்பில் கூறப் பட்டுள்ளது.

இந்தியா: ஜவுளித்துறையில் 5 லட்சம் வேலை ‘காலி’!

டெல்லி: பொருளாதார மந்தம் காரணமாக இந்தியாவில் வேலை வாய்ப்புகள் முன்னெப்போதும் இல்லாத அளவுக்கு வேகமாகக் குறைந்து வருகின்றன.

இதை மத்திய அரசே வெளிப்படையாகவே நாடாளுமன்றத்தில் அறிவித்தும் கூட அதற்கு மீடியா அத்தனை முக்கியத்துவம் தரவில்லை.

கடந்த சில மாதங்களில் மட்டும் இந்திய ஜவுளித் துறையில் 5 லட்சம் பணியிழப்புகள் ஏற்பட்டுள்ளதாக மத்திய ஜவுளித்துறை அமைச்சர் சங்கர் சிங் வகேலா நாடாளுமன்றத்தின் கேள்வி நேரத்தின் போது தெரித்துள்ளார்.

ஜவுளித்துறையில் மோசமான தேக்கம், ஏற்றுமதிக்கான ஆர்டர்கள் குறைந்தது போன்ற காரணங்களால் 5 லட்சம் வேலை இழந்திருப்பது உணமையே. ஆனால் வருகிற மழை காலத்துக்குள் மீண்டும் ஓரளவு சகஜ நிலை திரும்பும் என நம்புகிறோம் என்றார்.

மேலும் பணியிழப்புகள் ஏற்பாடமால் இருக்க என்ன தடுப்பு நடவடிக்கைகளை மேற்கொள்ளவது என அரசு தீவிர பரிசீலனை செய்துவருவதாகவும் கூறியுள்ளார்

ரிலையன்ஸ் டிவி திட்டம் தள்ளிவைப்பு

அனில் அம்பானியின் ரிலையன்ஸ் என்டர்டெயின்மென்ட் நிறுவனம் தனது இரு புதிய நிறுவனங்களான ரிலையன்ஸ் பிக் டிவி என்டர்டெயின்மென்ட் மற்றும் ரிலையன்ஸ்பிக் டிவி நியூஸ் ஆகிய நிறுவனங்கள் மூலம் கடந்த 2008 ஆகஸ்ட் மாதத்தில் 20 புதிய டிவி சேனல்களை அறிமுகப்படுத்தும் திட்டம் ஒன்றை வைத்திருந்தது. இவற்றில் ஒரு ஹிந்தி பொழுதுபோக்கு சேனல் மற்றும் மூன்று பிராந்திய மொழி சினிமா சேனல்கள் அடக்கம். ஆனால் இத்திட்டம், தற்போதைய மந்தமான பொருளாதாரத்தின் காரணமாக புதிய முதலீடுகள் சாதகமாக இருக்காது என்ற நிலையில் பேச்சுவார்த்தை அளவிலேயே நின்று போயிருக்கிறது.

ஆனால் ரிலையன்ஸ் என்டர்டெயின்மென்ட் நிறுவனம் புதிய டிவிக்கள் தொடங்கும் திட்டத்தில் மாற்றம் ஏதும் இல்லை, டிவிக்கள் தொடங்கப்படுவது உறுதி என்று அந்நிறுவனத்தின் நிர்வாக அலுவலர் ஒருவர் தெரிவித்தார்.

அம்பானி பிரதர்ஸ்: இணைப்பு என்னாச்சு?

மும்பை: 5 ஆண்டுகளுக்கு முன் பிரிந்து தனித்தனி வர்த்தக சாம்ராஜ்யங்களை உருவாக்கிக் கொண்ட அம்பானி சகோதரர்கள், தங்கள் அம்மா கோகிலாபென்னின் 75-வது பிறந்த நாளையொட்டி இணையப் போவதாக சில தினங்களாக செய்தி வெளியாகிய வண்ணமிருந்தன.

நேற்று கோகிலா பென்னின் பிறந்த தின விழா.

நீண்ட நாட்களுக்குப் பிறகு முகேஷ் அம்பானியும், அனில் அம்பானியும் நேற்று அம்மாவின் வீட்டில் (ஸீ வைண்ட்) சந்தித்துக் கொண்டார்கள். இதே ஸீ வைண்டில்தான் சரியாக 5 ஆண்டுகளுக்கு முன் இருவருக்கும் பாகப் பிரிவினை நடந்தது. இப்போது இணைப்புக்கான முயற்சியும் இங்கிருந்தே தொடங்குகிறது.

அம்மாவின் பிறந்த நாளை இருவரும் இணைந்தே கொண்டாடினார்கள். இருவர் குடும்பங்களும் மகிழ்ச்சியில் திளைத்தன. அவர்களது சகோதரிகளுக்கு அளவற்ற மகிழ்ச்சி. காலையில் கடவுள் வணக்கத்துடன் துவங்கிய இந்த விழாவில், தங்களுக்கு மிக நெருங்கிய 200 நண்பர்கள் மற்றும் உறவினர்களுடன் சைவ விருந்து உண்டு, பழைய இனிய நினைவுகளைப் பகிர்ந்து கொண்டனர்.

உள்ளுக்குள் இணைப்பு பற்றிய பேச்சுக்களை கோகிலாபென் ஏற்கெனவே தொடங்கிவிட்டாலும், அம்பானி குடும்பத்தினர் அதுபற்றி வாய் திறக்காமல் பேரமைதி காக்கின்றனர். ஏற்கெனவே எதிர்க்கட்சித் தலைவர் எல்.கே.அத்வானியும் இந்த இணைப்பை வலியுறுத்திப் பேசியிருப்பதால், தேர்தலுக்கு முன் சகோதரர்கள் இருவரும் ஒரே குடையின் கீழ் நிர்வாகத்தைக் கொண்டுவந்து விடுவார்கள் என்றே நம்புகிறார்கள் உறவினர்கள்.

 சிட்டி வங்கியை முந்திய ஸ்டேட் பேங்க்

டெல்லி: அமெரிக்கப் பொருளாதாரச் சரிவு அதன் வங்கிகளை பெரும் ஆட்டம் காண வைத்துவிட்டது. உலகின் முதல்நிலை வங்கி என்ற பெருமையோடு திகழ்ந்த சிட்டி குரூப்பின் மொத்த சொத்து மதிப்பைவிட, இப்போது ஸ்டேட் பாங்க் ஆப் இந்தியாவின் (எஸ்பிஐ) சொத்து மதிப்பு தான் அதிகம்.

முன்பு சிட்டி குரூப்பின் மொத்த சொத்து மதிப்பு ரூ.9,72,075 கோடிகள். ஆனால் பொருளாதாரம் அடிவாங்கிப் போய், வங்கி அமைப்பு முறையே கேள்விக்குறியதாகிவிட்ட இன்றைய சூழலில் இந்த வங்கியின் மொத்த சொத்து மதிப்பு ரூ.57,328 கோடியாக சரிந்துவிட்டது.

ஆனால் இந்தியாவின் எஸ்பிஐக்கு உள்ள சொத்துக்கள் இதைவிட அதிகம். அதாவது ரூ.66,449 கோடிகள்.

கடந்த 2008ம் ஆண்டு மட்டும் சிட்டி வங்கிக்கு ஏற்பட்டுள்ள நஷ்டம் ரூ.80,000 கோடி என்கிறது அந்த நிறுவனத்தின் செய்திக் குறிப்பு. ஆனால் எஸ்பிஐயோ ரூ.4,700 கோடி வரை லாபம் சம்பாதித்துள்ளது.

சிட்டி குரூப் நிறுவன பங்கு மதிப்பு அதன் சரித்திரத்திரத்திலேயே இல்லாத அளவுக்கு படுபாதாளத்துக்குப் போய்விட்டது. கிட்டத்தட்ட 93 சதவிகிதம் குறைந்து 1.95 டாலருக்கு வந்துவிட்டது. ஒரு காலத்தில் 65 டாலர்கள் வரை விற்பனையான பங்கு இது.

இந்த ஒரு வங்கிக்குதான் இப்படியொரு மோசமான நிலை என்று நினைத்துவிட வேண்டாம். அமெரிக்காவின் நம்பர் ஒன் வங்கி எனப்பட்ட பாங்க் ஆப் அமெரிக்காவின் பங்குகள் 2.53 டாலராகக் குறைந்து, அந்த வங்கியை ஆட்டம் காண வைத்துள்ளது.

வங்கித் துறையில் இன்னும் ஒரு மீட்சி நிலை ஏற்படாதது ஒபாமா அரசை கவலைக்கு உள்ளாக்கியுள்ளது. மக்கள் முழுதுமாக நம்பிக்கை இழக்குமுன் இந்த வங்கிகளின் அரசுக்கு உள்ள பங்கின் அளவை பெருமளவு உயர்த்தி, புதிய மூலதனத்தைச் செலுத்த முடிவு செய்துள்ளது.

ஏற்கெனவே 45 பில்லியன் டாலர் அளவுக்கு இந்த வங்கிக்கு நிதி உதவி செய்துள்ளது அமெரிக்க அரசு (சும்மா இல்ல… சிட்டி வங்கியின் 300 பில்லியன் மதிப்புள்ள சொத்துக்களின் அடிப்படையில்). இப்போது மேலும் கூடுதல் நிதியைத் தரப் போகிறது.

ஆனால் எஸ்பிஐக்கு இந்த சிக்கலே கிடையாது. அரசுக்கே கடன் தந்து உதவும் அளவுக்கு ரொம்ப ஸ்ட்ராங்கான நிலையில் உள்ளது அந்த வங்கியின் செயல்பாடும் நிதிக் கட்டமைப்பும். எஸ்பிஐயின் பங்குகளை வைத்திருப்பதை இப்போதும் பெருமைக்குரியதாகக் கருதுகின்றனர் முதலீட்டாளர்கள்.

இதற்குக் காரணம், இன்றைய அரசுகள் எதுவுமில்லை. தொலைநோக்குப் பார்வையோடு இந்த வங்கியை ‘அரசின் வங்கி’யாக்கி, தனியாரின் கையை ஓங்கவிடாமல் செய்த இந்தியாவின் முன்னாள் நித நிர்வாகிகள்தான் என்பதை நிச்சயம் நன்றியோடு நினைவு கூற வேண்டும்!.

எச்.பியில் ஆள்குறைப்பு, சம்பள குறைப்பு…!

ஃப்ராமிங்ஹாம்: உலகின் முன்னணி கம்ப்யூட்டர் நிறுவனமான ஹாவ்லெட்- பேக்கார்ட் (எச்பி) தனது ஊழியர் எண்ணிக்கையைக் குறைப்பதோடு, அவர்களின் சம்பளத்தையும் பெருமளவு குறைத்துள்ளது.

நிதி நெருக்கடி, லாபம் குறைவு போன்ற காரணங்களால் தங்கள் நிறுவனத்தில் பணிபுரிபவர்களில் 25,000 பேரைக் குறைக்கப் போவதாக கடந்த அக்டோபரில் அறிவித்தது. சொன்னது போலவே, இந்த 25,000 பேரில் முதல் கட்டமாக 9,000 பணியாளர்களை நீக்கியுள்ளது எச்பி. மீதியுள்ள 16,000 பேரும் படிப்படியாக பணி நீக்கம் செய்யப்படுவார்கள்.

இப்போது அடுத்த அதிரடியாக, பணியில் உள்ள அனைவருக்கும் சம்பளக் குறைப்பை அறிவித்துள்ளது.

இந்த ஆண்டு நிதி நிலை அறிக்கையில் எச்பியின் லாபம் 13 சதவீதம் குறைந்துள்ளது தெரிய வந்தது. கடந்த ஆண்டை விட இந்த ஆண்டு முதல் காலாண்டில் லாபத்தில் 2.133 பில்லியன் டாலர்கள் குறைந்துள்ளது. இதைத் தொடர்ந்து சம்பளக் குறைப்புகளை அறிவித்துள்ளது.

நிறுவன செலவுகளைக் கட்டுப்படுத்த இனிமேலும் ஆட்களைக் குறைக்காமல் சம்பளத்தைக் குறைப்பது நிறுவனத்தின் நற்பெயரை பாதிக்காமல் இருக்கும் என்பதால் இந்த முடிவு என அதன் சிஇஓ மார்க் ஹர்ட் அறிவித்துள்ளனர்.

இந்த சம்பளக் குறைப்புக்கு முன்னுதாரணமாக தாமே இருக்க விரும்புவதாகவும் அறிவித்துள்ள மார்க், தனது சம்பளத்தில 20 சதவீதம், அதாவது 2.90 லட்சம் டாலர்களைக் குறைத்துக் கொள்ள முன்வந்துள்ளார். இவரது மொத்த ஆண்டு சம்பளம் 14.50 லட்சம் டாலர்கள்.

இது சர்வ நிச்சயமாக மோசமான சூழல்தான். ஆனால் இந்த நிலைக்கு யாருமே தப்ப முடியாது. எங்கள் போட்டியாளர்கள் ஐபிஎம் உள்பட பலருக்கும் இதே நிலைதான் இப்போது ஏற்பட்டுள்ளது என்கிறார் மார்க்.

எச்பியின் இந்த தடுமாற்றங்கள், லாபக் குறைவு போன்ற விவரங்கள் வெளியான பிறகு இதன் பங்குகள் விலை 6.4 சதவீதம் குறைந்து, 32.02 டாலர்களாகிவிட்டது.

அவுட்ஸோர்ஸிங்-நிறுவனங்களுக்கு ஒபாமா ‘வேட்டு’!

வாஷிங்டன்: வெளிநாடுகளுக்கு வேலை ஒப்பந்தங்களை அளிக்கும் (அவுட்ஸோர்ஸிங்) அமெரிக்க நிறுவனங்களுக்கு வரிச் சலுகை கிடையாது என்று அமெரிக்க அதிபர் ஒபாமா அறிவித்துள்ளார்.

இதில் பெரிதும் பாதிக்கப்படும நாடு இந்தியாவாகவே இருக்கும்.

அமெரிக்க ஜனாதிபதியாக ஒபாமா பதவி ஏற்ற பிறகு அந்த நாட்டு நாடாளுமன்றத்தின் செனட் மற்றும் பிரதிநிதிகள் சபைகளின் கூட்டுக் கூட்டம் நடந்தது. இதில் அவர் முதல் முறையாக உரை நிகழ்த்தினார் ஒபாமா.

அவர் கூறியதாவது:

ஒவ்வொரு அமெரிக்கனுக்கும் நான் சொல்லிக் கொள்ள விரும்புவது என்னவென்றால், சரிந்து கிடக்கும் பொருளாதாரத்தை நாம் மீண்டும் புதுப்பிப்போம். சரிவில் இருந்து மீள்வோம். முன்பை விட வலுவானதாக அமெரிக்க பொருளாதாரம் உயிர்த்து எழும்.

இந்த ஆண்டு பட்ஜெட்டில் மின்சார உற்பத்தி, சுகாதாரம், கல்வி ஆகிய துறைகளுக்கு முன்னுரிமை அளிக்கப்படும்.

நிதி நெருக்கடியில் சிக்கிய வங்கிகளை மீட்பதற்கு பெரும் அளவில் நிதி ஒதுக்கப்பட்டது. மேலும் நிதி உதவி தேவைப்படுவது உண்மையே. இந்த நிதி உதவியை அரசு வழங்குவதற்கு சில எதிர்ப்புகள் இருந்தன. ஆனால் அப்படியே விட்டுவிட்டால், இது ஒவ்வொரு அமெரிக்கனையும் நேரடியாக பாதிக்கும்.

அடுத்த 2 ஆண்டுகளில் 40 லட்சம் வேலைகள் உருவாக்கப்படும். இந்த வேலைகளில் 90 சதவீதம் தனியார் துறையிலேயே உருவாக்கப்படும். சாலைகள் போடுதல், பாலங்கள் கட்டுதல், காற்றாலை மூலம் மின்சாரம் உற்பத்தி செய்தல் போன்ற வேலைகளில் தனியார் துறை ஈடுபடும்.

அவுட்ஸோர்ஸிங்குக்கு ஆபத்து!:

வெளிநாடுகளுக்கு வேலை ஒப்பந்தங்களை வழங்கும் நிறுவனங்களுக்கு வரிச் சலுகை தருவதில்லை என்ற புதிய முடிவை அரசு எடுத்துள்ளது.

ஒபாமாவின் இந்த அறிவிப்பு, இந்திய பி.பி.ஓ நிறுவனங்களுக்கு கலக்கத்தை ஏற்படுத்தியுள்ளது. பல்லாயிரம் அமெரிக்க நிறுவனங்கள் தங்கள் வேலைகளை வெளிநாடுகளுக்கு அவுட்சோர்சிங் செய்துள்ளன.

இந்த அறிவிப்பால், இந்தியாவில் பிபிஓ தொழிலை மட்டுமே நம்பி தொடங்கப்பட்ட பல நிறுவனங்கள் பெரும் சிக்கலுக்கு ஆளாகும்.

இந்த நிறுவனங்களில் பல லட்சம் பணியாளர்கள் வேலை பார்க்கின்றனர்

ஊழியர்களிடம் சம்பளத்தை திருப்பி கேட்கும் மைக்ரோசாப்ட்

நியூயார்க்: மைக்ரோசாப்ட் நிறுவனம் சமீபத்தில் பணிநீக்கம் செய்த சில ஊழியர்களுக்கு தவறுதலாக அதிகப்படியான சம்பளம் வழங்கிவிட்டது. இதையடுத்து அந்த பணத்தை திரும்பத்தருமாறு ஊழியர்களை கேட்டு வருகிறது.

உலக பொருளாதார வீழ்ச்சியினால் தகவல் தொழில்நுட்ப நிறுவனங்கள் திணறி போயுள்ளன. இதன் காரணமாக மைக்ரோசாப்ட் நிறுவனம் 5,000 ஊழியர்களை அடுத்த 18 மாதங்களுக்குள் பணிநீக்கம் செய்ய போவதாக அறிவித்தது. அதன் முதல்கட்டமாக கடந்த ஜனவரி 22ம் தேதி 1,400 ஊழியர்களை வேலையிலிருந்து நீக்கியது.

இதையடுத்து அவர்களுக்கு இழப்பீடும் வழங்கியது. இந்நிலையில் இழப்பீடு வழங்கியதில் மைக்ரோசாப்ட் நிறுவனத்தில் குளறுபடி நடத்திருப்பது தெரியவந்துள்ளது. சில ஊழியர்களுக்கு பணம் அதிகமாகவும், சிலருக்கு குறைவாகவும் கொடுக்கப்பட்டுள்ளது.

இதையடுத்து பணம் குறைவாக கொடுக்கப்பட்டவர்கள் நிர்வாகத்திடம் சென்று முறையிட்டுள்ளனர். ஆனால், சிலருக்கு பணம் அதிகம் அளிக்கப்பட்ட விவகாரம் நிறுவனத்துக்கு தெரிய வர பல நாட்களாகிவிட்டது. இதில் அந்நிறுவனத்தின் மனிதவள துறையும் அதிக அக்கறை காட்டவில்லை.

இந்நிலையில் சம்பள பட்டியல் தயாரிப்பதில் ஏற்பட்ட தவறுதலே இதற்கு காரணம் என தெரிவிக்கப்பட்டுள்ளது. மேலும் மைக்ரோசாப்ட் நிறுவனம், சம்பள தொகை அதிகம் கொடுக்கப்பட்ட ஊழியர்களுக்கு பணத்தை திருப்பி கொடுக்கமாறு கடிதம் எழுதியுள்ளது. அதில்,

நிர்வாகத்தின் கவனக்குறைவு காரணமாக தவறு நடந்துவிட்டது. உங்களுக்கு அதிகம் கொடுக்கப்பட்ட பணத்தை திருப்பி கொடுங்கள். இதனால் உங்களுக்கு ஏற்படும் சங்கடங்களுக்காக மன்னிப்பு கேட்டு கொள்கிறோம் என கூறியுள்ளது.

இப்படி கடிதம் கிடைத்தவர் ஒருவர் அதை பத்திரிகைக்கு கொடுக்க விவகாரம் வெளிச்சத்துக்கு வந்துள்ளது. பணம் அதிகம் கொடுக்கப்பட்ட ஊழியர்களுக்கு சராசரியாக ரூ. 2.2 லட்சம் கூடுதலாக கொடுத்துள்ளது.

முதலில் இது நிறுவனத்துக்கும், ஊழியர்களுக்கும் இடையை உள்ள தனிப்பட்ட விவகாரம் எனக் கூறிய மைக்ரோசாப்ட் பின்னர் தனது தவறுகளை ஒத்துக்கொண்டது.

இந்நிலையில் மைக்ரோசாப்ட் நிறுவனம் வெளியிட்டுள்ள அறிக்கையில், பணம் அதிகம் பெற்ற ஊழியர்கள் அதை திருப்பி கொடுக்க வேண்டும். குறைவாக கொடுக்கப்பட்டவர்களுக்கு பணம் விரைவில் திருப்பி கொடுக்கப்படும். அவர்கள் அனைவரும் மனிதவள துறை தலைவர் லிசா பிரம்மலை நேரில் சந்திக்குமாறு கேட்டு கொள்கிறோம் என கூறியுள்ளது.

47,000 பேர் நீக்கம்-5 தொழிற்சாலைகள் மூடல்: சிக்கலில் ஜிஎம்

டெட்ராய்ட்: அமெரிக்காவின் முன்னணி கார் தயாரிப்பு நிறுவனமான ஜெனரல் மோட்டார்ஸ் மேலும் 47 ஆயிரம் பேரை வேலையிலிருந்து நீக்க முடிவு செய்துள்ளது.

மேலும், நஷ்டத்தைக் குறைக்க தங்களது 5 தொழிற்சாலைகளை இழுத்து மூடிவிடவும் முடிவு செய்துள்ளது. ஒரேயடியாக நிறுவனத்தை மூடாமல் தவிர்க்க 30 பில்லியன் டாலர் அளவு நிதியுதவி தங்கள் நிறுவனத்துக்கு மட்டும் தேவை என்றும் ஜெனரல் மோட்டார்ஸ் கூறியுள்ளது.

கார் விற்பனை உலகெங்கும் கடும் சரிவுக்குள்ளாகியதாலும், நிதி நெருக்கடியாலும் பெரிதும் பாதிக்கப்பட்டுள்ள நிறுவனங்களுள் ஒன்று ஜெனரல் மோட்டார்ஸ். ஏற்கெனவே தங்களின் 8 தொழிற்சாலைகளை மூடியதோடு, 1 லட்சம் பணியாளர்களையும் வேலையிலிருந்து நீக்கியுள்ளது ஜிஎம்.

நெருக்கடியைச் சமாளிக்க இந்நிறுவனத்துக்கு 13.4 பில்லியன் டாலர் அளவுக்கு நிதி உதவியை அளித்துள்ளது ஒபாமா அரசு. ஆனால் அப்படியும் நெருக்கடி தீரவில்லையாம்.

எனவே உலகமெங்கும் உள்ள தங்களது மொத்த தொழிற்சாலைகளையும் மறுசீரமைக்க முடிவு செய்துள்ளது ஜெனரல் மோட்டார்ஸ்.

இதன் ஒரு பகுதியாக தனது 5 உற்பத்திக் கூடங்களை மூடப்போகும் ஜிஎம், 47 ஆயிரம் பணியாளர்களையும் நீக்குகிறது.

மேலும் அமெரிக்க நிதித்துறைக்கு ஒரு அறிக்கையையும் இந்நிறுவனம் அளித்துள்ளது. அதில் தங்கள் நிறுவனத்தின் நெருக்கடிகள் குறித்து விவரித்துள்ள ஜிஎம் நிறுவனம், ஒரேயடியாக நிறுவனத்தை மூடுவதைத் தவிர்க்க, 30 பில்லியன் டாலர் நிதி உதவி வேண்டும் என்றும், நிறுவனம் லாபத்தில் இயங்க இன்னும் எட்டு ஆண்டுகள் அதாவது 2017-ம் ஆண்டுவரை அவகாசம் தேவை என்றும் அந்த அறிக்கையில் கூறப்பட்டுள்ளது.

பொருளாதார மந்தத்துக்கு நடுவிலும் அட்டகாசமான வளர்ச்சி!

டெல்லி: உலகெல்லாம் பொருளாதாரம் வீழ்ந்துவிட்டது, வேலை போச்சு… என்ற விசும்பல்கள் ஒலித்தாலும், தொலைபேசி நிறுவனங்கள் மட்டும் ‘கோயிங் ஸ்டெடி’ என்கின்றன புன்முறுவலுடன். அதுவும் இந்தியாவில்தான் இந்த நிலை.

எப்படி… எப்படி இது சாத்தியம்?

சிம்பிள்… வேலை போனாலும் செல்போன் அல்லது டெலிபோனை தூக்கியெறிய முடியாத, ஒரு வித ‘போதை மற்றும் வசதி’தான் இதற்குக் காரணம் என்கிறார்கள் நிபுணர்கள்.

பொருளாதார தள்ளாட்டம் பெருமளவில் உள்ள இந்த காலகட்டத்தில் மட்டும் ஒரே மாதத்தில் 15 மில்லியன் மக்கள் புதிய செல்போன் அல்லது தொலைபேசி உபயோகிப்பாளராக மாறியுள்ளனர். அதோ சமயம் ஏற்கெனவே உபயோகித்துக் கொண்டிருந்தவர்களும் அந்த இணைப்புகளைத் துண்டித்துக் கொள்ளவில்லை என்பது குறிப்பிடத்தக்கது.

குறிப்பாக கடந்த 2008-ம் ஆண்டு டிசம்பர் மாதத்தில் மட்டும் 10.66 மில்லியனாக இருந்த தொலைபேசி பயன்பாட்டாளர்களின் எண்ணிக்கை, அடுத்த ஒரே மாதத்தில் கூடுதலாக 15.26 மில்லின்களாக உயர்ந்துள்ளது.

இது குறித்து தொலைபேசிக் கட்டண ஒழுங்குமுறை ஆணையம் டிராய் வெளியிட்டுள்ள அறிக்கை:

இந்த ஜனவரியில் மட்டும் 15.4 மில்லியன் புதிய செல்போன் சந்தாதாரர்கள் புதிதாக சேர்ந்துள்ளனர். லேண்ட் லைன் உபயோகிப்பாளர்கள் 1 லட்சத்து 48 ஆயிரம் பேர் புதிதாக இணைப்பு பெற்றுள்ளனர்.

இதன் மூலம் இந்தியாவெங்கும் செல்போன் மற்றும் லேண்ட் லைன் உபயோகிப்பாளரின் எண்ணிக்கை 40 கோடியாக உயர்ந்துள்ளது.

செல்போன் மற்றும் கம்பியில்லா தொலைபேசிகள் வழங்குவதில் ரிலையன்ஸ் நிறுவனம் நாட்டிலேயே முதலிடம் வகிக்கிறது. இந்த நிறுவனத்தின் வளர்ச்சி விகிதம் 8.1 சதவிகிதமாகும். சமீபத்தில் மிக அதிக அளவு ஜிஎஸ்எம் மொபைல்களை இந்த நிறுவனம் வழங்க ஆரம்பித்திருப்பதும் இந்த வளர்ச்சிக்கு முக்கிய காரணமாகும்.

ஐடியா (5.3), ஏர்செல் (4.3), வோடபோன் மற்றும் ஸ்பைஸ் (4.00), பார்தி ஏர்டெல் (3.2) ஆகியவை ரிலையன்சுக்கு அடுத்தடுத்த இடங்களைப் பிடித்துள்ளன.

அரசு நிறுவனமான பிஎஸ்ன்எல்லின் நிலை என்ன என்பது குறித்து டிராய் அறிக்கையில் தகவல் ஏதுமில்லை.

இந்தியா: 4 மாதங்களில் 5 லட்சம் பேர் வேலையிழப்பு!

டெல்லி: கடந்த செப்டம்பர் – டிசம்பர் மாதங்களில் மட்டும் இந்தியாவில் வேலை இழந்தவர்கள் எண்ணிக்கை 5 லட்சம் என அதிகாரப்பூர்வமாக இந்திய அரசு அறிவித்துள்ளது.

இந்தியப் பொருளாதாரத்தின் பின்னடைவு குறித்த விவாதத்தின் போது அளித்த எழுத்து மூல பதிலில் இப்படித் தெரிவித்துள்ளார் இந்திய கம்பெனிகள் விவகாரத் துறை அமைச்சர் பிரேம்சந்த் குப்தா.

மேலும் அவர் கூறியிருப்பதாவது:

தொழிலாளர் நலத்துறை அமைச்சக கணக்கெடுப்பின்படி கடந்த ஆண்டு மட்டும் இந்தியாவில் ஏற்பட்ட பொருளாதாரப் பின்னடைவின் காரணமாக 5 லட்சம் போர் வேலை இழந்துள்ளனர். பிபிஓ மட்டுமின்றி அனைத்து துறைகளிலுமே இந்த வேலையிழப்புகள் தொடர்கின்றன.

இந்த ஆண்டும் வேலையிழப்புகள் தொடர்ந்தாலும், அதன் வேகத்தைக் குறைக்க மத்திய அரசு பணவியல் நடவடிக்கைகளையும், கூடுதல் நிதிச் சலுகைகளையும் வழங்கி வருகிறது. 3வது கட்ட நிதிச் சலுகைகளை விரைவில் அறிவிக்க உள்ளது, என்று தன் எழுத்துப்பூர்வ பதிலில் கூறியுள்ளார்.

50,000 பேர் வேலைக்கு ஆப்பு

அமெரிக்காவின் ஆட்டோமொபைல் ஜாம்பவான்களான ஜெனரல் மோட்டார்ஸ் மற்றும் கிரிஸ்லர் நிறுவனங்கள் மேலும் 50,000 பேரை வேலையிலிருந்து நிறுத்தப்போவதாக நேற்று (செவ்வாய்க்கிழமை) அறிவித்துள்ளன. மேலும் அவை 21.6 பில்லியன் டாலர் கொடுத்து தஙகளை காப்பாற்றுமாறு ஒபாமா அரசாங்கத்தை கேட்டுக்கொண்டுள்ளதாகவும் தெரிவித்துள்ளன. இவையிரண்டும் ஏற்கனவே 17.4 பில்லியன் டாலர் பணத்தை அரசுக் கருவூலத்தில் இருந்து உதவியாகப் பெற்றுள்ளன என்பது குறிப்பிடத்தக்கது.

இதில் ஜெனரல் மோட்டார்ஸ் மட்டும் 13.4 பில்லியன் டாலரை பெற்றுள்ளது. மேலும் 16.6 பில்லியன் டாலர் கடன் தேவை எனத்தெரிவித்துள்ளது. இத்தகவலை டெட்ராய்ட்டில் அளித்த பேட்டி ஒன்றில் ஜெனரல் மோட்டார்ஸின் சி.இ.ஓ ரிக் வேக்னர் தெரிவித்தார்.

ஜெனரல் மோட்டார்ஸின் ஐந்து யூனிட்டுகள் மூடப்படுவதாகவும் மூன்று பிரபல பிராண்டு கார்கள் தயாரிப்பை நிறுத்துவதாகவும் தெரிவிக்கப்பட்டுள்ளது. இதனால் அதன் 47,000 ஊழியர்கள் வேலை இழப்பர்.

கிரிஸ்லர் நிறுவனமும் அரசிடம் 5 பில்லியன் டாலர் உதவி கோரியுள்ளது. இந்நிறுவனத்தில் 3,000 பேர் வேலை இழக்கின்றனர். இது தனது கடந்த 40 வருட கார் விற்பனையில் இந்த வருடம் மோசமான அளவு விற்பனையை எட்டியுள்ளது.

இந்தியா தாக்குப் பிடிக்குமா?

இன்றைய உலகப் பொருளாதாரத் தேக்க நிலையில், இந்தியாவால் தாக்குப் பிடிக்க முடியுமா என்பது பற்றி பார்ப்போம்.

சமீபத்தில் வெளியிடப் பட்ட மத்திய புள்ளியல் (மத்திய அரசு) நிறுவனத்தின் மதிப்பீட்டின் படி இந்தியப் பொருளாதாரம் நடப்பு நிதியாண்டில் 7.1 சதவீதம் வளர்ச்சியுறும் என்று தெரிகிறது. இது சரியாக இருக்கும் பட்சத்தில் உலகிலேயே இரண்டாவதாக வேகமாக வளர்ச்சியுறும் நாடு இந்தியாவாகத்தான் இருக்கும் (சீனா முதலாவது).

சென்ற ஆண்டில் ஒன்பது சதவீதம் வளர்ச்சி பெற்றிருந்த இந்தியப் பொருளாதாரம் செப்டம்பர் 2008 வரையிலான முதல் அரையாண்டில் 7.80% வளர்ச்சிப் பெற்றிருந்தது. பொதுவாகவே பண்டிகைக் காலமாக கருதப் படுகிற இரண்டாவது அரையாண்டே தொழிற் துறையில் அதிக வளர்ச்சியைக் காட்டும் என்றாலும் இந்த முறை இந்தியத் தொழில் துறை பெரும் தேக்க நிலையில் இருந்து வந்திருக்கிறது என்பது கவனிக்கத் தக்கது.

இந்திய தொழிற் வளர்ச்சி கடந்த இரு மாதங்களாக மிகவும் குறைந்து காணப் படுவதாலும் ஏற்றுமதியோ இறங்குமுகத்தில் இருப்பதாலும் இந்திய அரசாங்கம், மார்ச் 2009 வரையிலான நிதி ஆண்டின் இரண்டாவது அரையாண்டில் நமது பொருளாதாரம் குறைந்த வளர்ச்சியே (6.30%) இருக்கும் என்று எதிர்பார்க்கிறது. அதே சமயம், பல தனியார் அமைப்புக்கள், இந்தியா இன்னும் கூட குறைந்த அளவே வளர்ச்சிப் பெறும் என்று கணிக்கின்றன. இந்த நிதி ஆண்டு முடிய இன்னும் இரண்டு மாதங்களே இருக்கும் போது இந்த வளர்ச்சி சாத்தியமான ஒன்றா என்றும் அடுத்த ஆண்டும் இதே போன்ற ஒரு மிதமான வளர்ச்சி சாத்தியமா என்றும் பார்ப்போம்.

ஒரு நாட்டின் “மொத்த உள்நாட்டு உற்பத்தி” (GDP) பொதுவாக கீழ்க்கண்ட முறையில் கணக்கிடப் படுகிறது.

GDP = தனியார் (மக்கள்) செலவிடும் தொகை + அரசு செலவிடும் தொகை + முதலீடுகள் + நிகர ஏற்றுமதி

இந்தியா ஒரு இறக்குமதி சார்ந்த நாடு என்பதால், அதை விடுத்து மீதமுள்ள முக்கிய மூன்று காரணிகள் வருங்காலத்தில் எப்படி மாற்றம் பெறும் என்று பார்ப்போம்.

தனியார் (மக்கள்) செலவிடும் தொகை:

வேலையிழப்பு, வருமான பாதிப்பு, தொழிற்துறையில் குறைந்த லாபம் அல்லது நட்டம் போன்ற காரணங்களால், நடப்பு மற்றும் நிதியாண்டுகளில் பொருளாதார வளர்ச்சியில் தனியாரின் பங்கு குறைவாகவே காணப் படும் என்று தெரிகிறது. அதே சமயம், மெல்ல மெல்ல நுகர்வோர் கலாச்சாரத்திற்கு மாறி வரும் இந்தியரின் மனப்போக்கும், ஜனத்தொகையில் பெரும்பங்கு இளையவர்களாகவே இருப்பதும் தனியார் செலவினங்கள் பெருமளவு குறைந்து போவதிலிருந்து காப்பாற்றும் என்று நம்பலாம். தனி மனிதருக்கான பெரும்பாலான தேவைகள் (குடியிருப்பு, தொலைத் தொடர்பு, கல்வி, வாகனங்கள் போன்றவை) இன்னமும் கூட இந்தியாவில் பூர்த்தி ஆகாமல் இருப்பதும், தனியார் செலவினத்தை சற்று அதிகமாகவே வைக்கும் என்று நம்பலாம்.

அரசு செலவிடும் தொகை

இந்தியா ஏழை நாடாக இருந்தாலும், இந்திய அரசாங்கங்கள் எப்போதுமே தாராள செலவுக்கு பேர் போனவை. கடந்த பதினெட்டு ஆண்டுகளாக, பொருளாதார வளர்ச்சியில் அரசின் நேரடி பங்கு குறைந்து போய் விட்ட நிலையில், பொருளாதாரத்தை வளர்ச்சிப் பாதையில் தொடர்ந்து செலுத்த அதிகப் படியான அரசு செலவினம் இப்போது அவசியமான ஒன்றாகி விட்டது. நடப்பு நிதியாண்டில் மட்டும் இந்திய மைய அரசு சுமார் 70,000 கோடி ரூபாய் அதிகப் படியான செலவு செய்யும் என்று எதிர்பார்க்கப் படுகிறது. இது போக மாநில அரசுகளும் அதிக செலவு செய்ய மத்திய அரசு கேட்டுக் கொண்டிருக்கிறது. அரசு நல திட்டங்கள், ஊதியக் குழு பரிந்துரையின் படி அரசு ஊழியர்க்கு அதிக சம்பளம், சில அடிப்படை கட்டமைப்பு திட்டங்கள் போன்றவற்றுக்கு இந்த பணம் செலவு செய்யப் படும் என்று தெரிகிறது. இத்தகைய அதிகப் படியான அரசு செலவினங்கள், மேலே சொன்னபடி, தனியார் செலவினம் குறைந்து போவதினால் ஏற்படும் பொருளாதார பாதிப்பை ஓரளவுக்கு ஈடுகட்ட முடியும்.

முதலீடுகள்:

தற்போதைய ஏற்றுமதி வீழ்ச்சி மற்றும் நிச்சயமற்ற வருங்காலம் ஆகியவற்றின் காரணமாக, புதிய முதலீடுகள் செய்ய தனியார் துறையினர் முன்வருவார்களா என்பது சந்தேகமான ஒன்று. மேலும், வெளியேறும் வெளிநாட்டு முதலீட்டாளர்கள், வீழ்ச்சி பெற்றுள்ள பங்கு சந்தை மற்றும் கடன் கொடுக்க தயங்கும் வங்கிகள் காரணமாக “மூலதனம் திரட்டல்” என்பது ஒரு சிரமமான காரியமாகவே தெரிகிறது. அதே சமயம், அதிக அளவு கடன் கொடுக்க பொதுத் துறை வங்கிகளை மத்திய அரசு வலியுறுத்தி வருவதும், மத்திய நிதி நிறுவனங்கள் வாயிலாக (IIFCL போன்றவை) நீண்ட கால (அடிப்படை கட்டமைப்புக்கான) கடன் வசதிகள் செய்து தருவதும் கவனிக்கத் தக்கது.

பல மேற்கத்திய நாடுகள் வளர்ச்சியில் தன்னிறைவு பெற்று விட்டிருப்பதால், அந்த நாடுகளின் அரசாங்கங்கள் அதிக அளவில் புதிய முதலீடு செய்ய வாய்ப்பு குறைவு. அதே சமயம், இந்தியாவிலோ நிறைவேற்ற வேண்டிய பணிகள் (உதாரணம்: குடிநீர் வசதி, கல்வி வசதி,சாலை வசதி, துறைமுக வசதி, சுகாதார வசதி, மின்சார வசதி என்று சொல்லிக் கொண்டே போகலாம்). இவற்றுக்கெல்லாம் அரசு சரியான முதலீட்டு செலவுகள் செய்யுமானால் இந்தியாவின் பொருளாதாரம் இன்னும் பல வருடங்களுக்கு நல்ல வளர்ச்சிப் பாதையில் செல்லும் வாய்ப்பு உள்ளது.

இப்போது, எந்தெந்த துறைகளில் வளர்ச்சி எதிர்பார்க்கப் படுகிறது என்று பார்ப்போம்.

ஒரு காலத்தில் இந்தியாவின் முதுகெலும்பாக கருதப் பட்டு இப்போது கவனிப்பாரற்று கிடக்கும் விவசாயத் துறை 2.60% சதவீதம் வளர்ச்சி பெறும் என்று எதிர்பார்க்க படுகிறது. கடந்த சில வருடங்களாகவே ஓரளவுக்கு பருவ மழை தவறாமல் பெய்து வருவதால், இந்த வளர்ச்சி சாத்தியமே என்று தோன்றுகிறது. மேலும், ஏற்றுமதியையும் உலக பொருளாதாரத்தையும் சார்ந்திராத இந்த துறை மிதமான வேகத்தில் (பருவ மழை சரியாக இருக்கும் பட்சத்தில்) இன்னும் சில ஆண்டுகள் வளரும் என்று கருதப் படுகிறது.

தொழிற்துறை இந்த பொருளாதார வீழ்ச்சியினால் பெருமளவு பாதிக்கப் பட்டுள்ளது. கடந்த இரண்டு மாதங்களாக கடும் வீழ்ச்சியைச் சந்தித்துள்ள போதிலும், மோசமான காலம் முடிந்து விட்டதாகவே சில விற்பன்னர்கள் கருதுகின்றனர். சாலை திட்டங்கள், மின்சார உற்பத்தித் திட்டங்கள் போன்றவை இந்த துறைக்கு கை கொடுக்கும் என்று நம்பலாம்.

வெளிநாட்டு ஏற்றுமதியைச் சார்ந்த சேவை நிறுவனங்கள் ஓரளவுக்கு பாதிப்பைச் சந்திக்கும் என்று தோன்றினாலும், உள்நாட்டை சார்ந்த சேவை நிறுவனங்கள் (கல்வி, மருத்துவம், தொலைத் தொடர்பு போன்றவை) மிதமான வளர்ச்சிப் பாதையில் செல்லும் என்றே எதிர்பார்க்கப் படுகிறது. அதே சமயம், அகலக் கால் வைத்த நிறுவனங்கள் தடுமாறவும் வாய்ப்பு உள்ளது. அரசு ஊழியர்களுக்கு வழங்கப் படவுள்ள மிக அதிகமான ஊதியக் குழு நிலுவை பணம் விரைவில் புழக்கத்திற்கு வரவிருப்பது உள்ளூர் சேவைத் துறைக்கு நல்ல விஷயமாக இருக்கும். ஏற்றுமதியை ஊக்குவிக்கக் கூடிய வகையில், மத்திய அரசின் புதிய திட்டங்கள் கூடிய விரைவில் அறிவிக்கப் படும் என்று எதிர்பார்க்க படுகிறது.

ஆக மொத்தத்தில், கடந்த ஐந்து வருடங்களில் இந்தியாவில் காணப் பட்ட அசுர வளர்ச்சியினை இன்னும் சில காலத்திற்கு எதிர்பார்க்க முடியாதென்றே தோன்றுகிறது. அதே சமயத்தில், உலகின் பல நாடுகள் (அமெரிக்கா, ஐரோப்பிய நாடுகள் உட்பட) பொருளாதார பின்னடைவை சந்திக்கின்ற வேளையில், இந்தியா ஒரு மிதமான வளர்ச்சியை சந்திக்கவிருப்பது, ஆறுதலளிக்கும் ஒரு விஷயம்தானே?

மக்களின் மீது மறைமுக வரி விதிப்பு ?

பொருளாதார தேக்கத்திலிருந்து இந்தியா மீள்வதற்காக வரிச் சலுகைகள், வரி விலக்குகள், வரி குறைப்புகள், வரி தள்ளுபடிகள், வரி விடுமுறைகள் என்றெல்லாம் வாரி வழங்கப் படும் என்று ஆவலுடன் எதிர்பார்த்த பொது மக்கள், பொருளாதார நிபுணர்கள், தொழிற் துறையினர் ஆகியோருக்கு மத்திய அரசு அளித்த அதிர்ச்சி வைத்தியம் இந்த “மறைமுக வரி விதிப்பு”. இது குறித்து சற்று விரிவாகப் பார்ப்போம்.


(Courtesy:econjournal.com)

ஒரு நாட்டின் அரசின் வரவு செலவில் ஏற்படும் “துண்டு” இறுதியாக அந்த நாட்டின் மக்களின் மீதுதான் மறைமுகமாக சாத்தப் படுகிறது. இந்த “துண்டிற்கு” வெவ்வேறு வடிவங்கள் உண்டு.

ஒரு அரசு தனது செலவிற்கு போதிய பணம் கிடைக்காமல் போகும் பட்சத்தில் கடைசியாக கை வைக்கும் இடம் மக்களின் (முக்கியமாக நடுத் தர, எளிய மக்களின்) “பாக்கெட்”. காலபோக்கில் மக்களின் உபயோகப் பொருட்களின் மீது அதிகரிக்கப் படும் நேரடி மற்றும் மறைமுக வரிகள், போக்குவரத்து, குடிநீர் போன்ற அரசு நிறுவனங்களின் சேவை கட்டணங்கள் அதிகரிப்பு என்று அரசு தனது நிதிப் பற்றாக்குறையைத் தீர்க்க மக்களிடமிருந்தே பணம் “வசூல்” செய்ய வேண்டியிருக்கிறது.

இதற்கு மாற்று வழியாக, தலைமை வங்கியிடமிருந்து அரசு அதிக கடன் பெற முயற்சி செய்யும் பட்சத்தில் புதிய “கரன்சி” நோட்டுகள் அடிக்க வேண்டியதாகிறது. இதனால், நாட்டில் விலைவாசி உயர்வு, பணவீக்கம் போன்ற சிக்கல்கள் ஏற்பட்டு மீண்டும் அப்பாவி மக்களே பாதிக்கப் படுகின்றனர். ஒருவேளை நோட்டு அச்சடிக்கப் படா விட்டால், அரசு உள்நாட்டில் மற்றும் வெளிநாட்டில் அதிக கடன் வாங்க வேண்டியிருக்கும். அப்போதோ, நாட்டில் கடும் நிதி நெருக்கடி மற்றும் தட்டுப் பாடு நேரிடும்.

ஒரு நாட்டின் அரசாங்கத்திற்கு நிதி நெருக்கடி ஏற்படும் போது, அந்நாடு சர்வதேச தரவரிசையில் கீழே இறங்குகிறது. ஏற்கனவே நம் நாட்டின் தரவரிசை மிகவும் கீழே. அதாவது BBB-. இது இடைகால பட்ஜெட்டிற்கு பின்னர் இன்னும் குறைக்கப் படலாம் என்று தெரிகிறது. இதனால் உலக சந்தையில் நம்நாட்டின் கரன்சியின் மதிப்பு மேலும் குறைந்து இறக்குமதி செலவுகள் அதிகமாகும். இதனால், உள்நாட்டில் விலைவாசி விரைவாக ஏறும் வாய்ப்பு உள்ளது.

மேலும், ஒரு அரசின் நிதிப் பற்றாக்குறையானது, அந்நாட்டில் புதிய மக்கள் நல திட்டங்கள், அடிப்படை கட்டுமான வளர்ச்சி திட்டங்கள் ஆகியவற்றை ஆரம்பிக்க பெரும் தடையாக இருக்கும். இதனால், மக்களின் வாழ்க்கை தரம் பாதிக்கும்.

எப்படிப் பார்த்தாலும், ஒரு நாட்டின் அரசிற்கு பட்ஜெட்டில் விழும் துண்டானது நாட்டின் மக்களையே அதிகம் பாதிப்பதனால்தான், பட்ஜெட் பற்றாக்குறையை “மறைமுக வரி விதிப்பு” என்று பொருளாதார நிபுணர்கள் கருதுகின்றனர்.

இப்போது இந்தியாவின் கதைக்கு வருவோம்.

மத்திய அரசின் நடப்பு நிதியாண்டின் (2008-09) நிதித் தட்டுப்பாடு (Fiscal Deficit) எவ்வளவு தெரியுமா? கொஞ்சம் மூச்சைப் பிடித்துக் கொள்ளுங்கள்! சுமார் மூன்று லட்சத்து இருபதினாயிரம் கோடி ரூபாய். இது மொத்த உள்நாட்டு உற்பத்தியில் சுமார் ஆறு சதவீதம். கடந்த நிதியாண்டில் இது வெறும் 2.7 சதவீதமாக இருந்தது குறிப்பிடத் தக்கது. மேலே சொன்ன தொகையோடு, பெட்ரோல் மானியம் மற்றும் உர மானியத்திற்கான (சுமார்) 95,000 கோடி ரூபாயையும் கூட்டி கொண்டால் வரும் நிதிப் பற்றாக்குறை அளவு கிட்டத்தட்ட 4,15,000 கோடி ரூபாய். (குழந்தைகள் முதல் மரணப் படுக்கையில் இருப்பவர் வரை ஒவ்வொரு இந்தியனுக்கு சராசரியாக விழப் போகிற “துண்டு” சுமார் 4,100 ரூபாய். இது மத்திய அரசு வகையில் மட்டும்தான். இன்னும் மாநில அரசுகள், மாநகராட்சிகள், கிராம பஞ்சாயத்துக்கள் என பல அரசு அமைப்புகளாலும் மக்களுக்கு போடப் படும் “துண்டுகளின்” பாரம் தாங்காமல் மக்கள் மயங்கி விழ வேண்டியிருக்கும்.)

நாட்டினை பொருளாதார தேக்கத்திலிருந்து மீட்பதற்காகவே இவ்வாறு அரசு செலவினங்கள் அதிகரிக்கப் பட்டுள்ளன என்று சிலர் கூறிக் கொள்வது எந்த அளவிற்கு உண்மை என்று அரசின் நிதி நிலை அறிக்கையை சற்று கூர்ந்து படித்தாலே புரிந்து கொள்ள முடியும்.

ஒரு அரசின் செலவினங்களில் இரு வகை உண்டு. அதாவது, அரசின் நிர்வாக செலவுகள் (Non Plan Expenditure) மற்றும் மக்கள் நல மற்றும் இதர அடிப்படை கட்டுமானத்திற்கான திட்ட செலவினங்கள் (Plan Expenditure). நடப்பு நிதியாண்டிற்கான மதிப்பீட்டிலிருந்து அரசின் நிர்வாக செலவுகள் சுமார் ஒரு லட்சத்து பத்தாயிரம் கோடி அதிகமாகி உள்ளது. திட்ட செலவுகள் சுமார் நாற்பதினாயிரம் கோடி அதிகமாகி உள்ளது. எனவே அரசின் அதிகப் படியான நிர்வாக செலவே இந்த நிதிப் பற்றாக்குறைக்கு முக்கிய காரணம் என்று புரிந்து கொள்ள முடியும்.

இன்றைக்கு நாடிருக்கும் பொருளாதார நிலையில், பொது மக்களை விட அரசுக்கு அதிக பொறுப்புகள் உண்டு. மேலும், குறைந்த அளவிலேயே கைவசம் உள்ள பணத்தை மிச்சப் படுத்தி, நாட்டின் பொருளாதார வளர்ச்சி பாதைக்கு திருப்பி விடுவதில் மத்திய அரசு மக்களுக்கு முன்னுதாரணமாக இருக்க வேண்டும்.

இதில் இந்த அரசுக்கு மட்டுமல்ல அடுத்து அமையப் போகும் அரசுக்கும் நிறைய கடமைகள் இருக்கின்றன.

சில்லறை வணிக நிறுவனங்கள் இப்போது சிக்கலில்?

அமெரிக்காவில் வால்மார்ட் நிறுவனம் பெற்ற வெற்றியைத் தொடர்ந்து இந்தியாவிலும் பல சங்கிலித் தொடர் சில்லறை வணிக நிறுவனங்கள் உருவாகின. ரிலையன்ஸ், பாரதி, டாட்டா என பெரிய தொழில் குழுமங்கள் கூட இநத தொழிலில் ஆர்வம் காட்டினாலும், பிக் பஜார் (பேண்டலூன் குழுமம்), ஸ்பென்செர் (ஆர்.பி.ஜி குழுமம்) போன்ற சில வணிக நிறுவனங்களே அவற்றில் குறிப்பிடத் தக்க வெற்றியைப் பெற்றவை. கடந்த சில வருடங்களில் இந்தியாவில் ஏற்பட்ட அசுர பொருளாதார வளர்ச்சியின் போதே பெருமளவு லாபம் சம்பாதிக்க முடியாத இநத துறையைச் சார்ந்த நிறுவனங்கள் இப்போதைய தளர்ச்சிக் காலத்தில் தடுமாறி வருகின்றன. இந்த சிக்கலான நிலைக்கு காரணங்கள் யாவை என்று இப்போது பார்ப்போம்.

முதல் காரணம், இப்போது நேரிட்டுள்ள பொருளாதார தளர்ச்சியின் காரணமாக நுகர்வோரின் வாங்கும் திறன் பெருமளவு குறைந்து போனது. அத்தியாவசியப் பொருட்களின் விலையை (தள்ளுபடி என்ற பெயரில்) சற்று குறைத்து, பல அத்தியாவசியமற்ற கவர்ச்சிப் பொருட்களை (பொருந்தாத விலையில்) மக்களின் தலையில் கட்டும் சில்லறை வணிக நிறுவனங்களின் வியாபாரத் தந்திரம் இன்றைய சூழ்நிலையில் பெருமளவில் பலிக்காமல் போகிறது. காரணம், பொருளாதார வளர்ச்சிக் காலத்தில் கண்ணில் படுகின்றவையையெல்லாம் வாங்கும் மக்கள், தளர்ச்சிக் காலத்தில், அத்தியாவசமற்ற பொருட்களை வாங்க சற்று தயங்குகிறார்கள். எனவே இநத நிறுவனங்களின் லாப விகிதம் பெருமளவு குறைந்து போய் விட்டது.

ரியல் எஸ்டேட் விலைகள் (வாடகைகள்) இன்னமும் கூட பெருமளவில் குறையாத நிலையில் நகரின் மையப் பகுதியில் பெரிய இடப் பரப்பில் (வாகனம் நிறுத்தும் வசதியுடன்) வணிக தளங்களை அமைக்க வேண்டியிருப்பது அதிக “முதல்” தேவையை உருவாக்கி பொருளாதார ரீதியாக இநத நிறுவனங்களுக்கு கடும் நெருக்கடியை ஏற்படுத்துகிறது. மேலும், முற்றிலும் குளிர்சாதன வசதி செய்யப் பட்ட அரங்குகள், அதிக எண்ணிக்கையிலான ஊழியர்கள், சேமிப்பு கிடங்கு என இவர்களுடைய அமைப்பு ரீதியான செலவுக் கணக்கு கூடிய அளவுக்கு வருமானம் பெருக வில்லை.

சில்லறை வணிகத்தில் பெரிய நிறுவனங்கள் நுழைந்த போது, சிறு வணிகர்கள் (நமது தெருவோர அண்ணாச்சி கடைகள்) பெருமளவு பயந்தனர். இநத நிறுவனங்களுக்கு எதிராக சில போராட்டங்கள் கூட நடத்தப் பட்டன. ஆனால், உண்மையில் இநத பெரிய நிறுவனங்களால், சிறு வணிகர்களுக்கு எதிராக (சிறிய நகரங்களில் மட்டுமல்ல, பெரிய நகரங்களில் கூட) பெரிய நிறுவனங்களால் போட்டி போட இயல வில்லை என்றுதான் கூற வேண்டும். சிறு வணிகர்களின் தாக்குப் பிடிக்கும் திறனுக்கு முக்கிய காரணங்களில் சில கீழே.

“நுகர்வோருக்கு அருகாமையிலேயே இருத்தல், சிறிய கடன் வசதி அளித்தல், சிறிய அளவில் பொருட்கள் கிடைப்பது, அமைப்பு ரீதியான செலவினங்கள் குறைவு.”

இவ்வாறு சிறு வணிகர்கள் கடும் போட்டி அளிப்பதால், பெரிய சில்லறை நிறுவனங்களால் எதிர்பார்த்த அளவுக்கு தனி ஆதிக்கம் செலுத்தவோ, பெரிய அளவுக்கு வாடிக்கையாளர்களை பெறவோ முடிய வில்லை.

மேலும், தமது சங்கிலி தொடர் கிளைகளை அதி வேகமாக விரிவு படுத்திய இநத வணிக நிறுவனங்கள் இப்போது கடும் நிதிச் சிக்கலில் சிக்கி கொண்டன. வட்டி வீத உயர்வு மற்றும் வீழ்ச்சியடைந்த பங்கு சந்தைகள், புதிய முதல் திரட்டுவதற்கு இந்த நிறுவனங்களுக்கு பெரும் தடையாக உள்ளன. பல தொடர் சங்கிலி சில்லறை நிறுவனங்கள் கடந்த காலாண்டில் (அதுவும் பண்டிகை காலத்தில்)பெரும் இழப்பை சந்தித்துள்ளது குறிப்பிடத் தக்கது. பெரிய அளவில் தள்ளுபடி என்று செய்யப் பட்ட வியாபார தந்திரங்கள் பெருமளவிற்கு எடுபடவில்லை

ஆக மொத்தத்தில், கடும் நிதி நெருக்கடியை சந்தித்துள்ள இநத நிறுவனங்கள், தமது கிளைகளை மூடுவது, ஆட்குறைப்பு, வைத்திருக்கும் பொருட்களின் எண்ணிக்கை குறைப்பு, குறிப்பிட்ட பொருட்களின் விலை அதிகரிப்பு என போர்க்கால அடிப்படையில் சில நடவடிக்கைகளை எடுத்து வருகின்றன.

ஆனால் இநத நடவடிக்கைகள் எந்த அளவுக்கு இநத நிறுவனங்களை காப்பாற்றும் என்று இப்போதைக்கு சொல்வது கடினம். இதே பொருளாதார தளர்ச்சி நிலை நீடிக்கும் பட்சத்தில், இன்னும் கூட பல கிளைகள் ஏன் சில பெரிய நிறுவனங்கள் கூட மூடப் படுவதை நாம் பார்க்க முடியும்.

ஒரு தாமதித்த மாலை நேரத்தில், இன்னும் எவ்வளவு நேரம் அலுவலகத்தில் இருந்தாலும், வேலை முடியாது என்று ஒரு தெளிவு பிறந்து, சரி வீட்டிற்கு கிளம்பலாம் என்று முடிவு எடுத்தப் பிறகு, அலுவலக இருக்கையை விட்டு எழுவதற்கு முன்னர் இடைப் பட்ட ஒரு சோம்பல் முறிக்கிற நேரத்தில் பிறந்த ஒரு சிந்தனை இது.

“எப்படி இருந்த நாம் இப்படி ஆயிட்டோம்? ”

வெட்டேத்தியாக இருந்த நிலையில் இருந்து மாறி இப்போது ஒரு பொறுப்பான உத்யோகத்தில் அமர்ந்துள்ளோம்.

அபூர்வமாக பாக்கெட் மணி கொடுக்கும் அப்பா தந்த ஒரு பத்து ரூபாய் நோட்டை பத்திரமாக ஒரு பழைய பர்சில் வைத்து மகிழ்ந்த நம்மால், இன்று பர்ஸ் முழுக்க நோட்டுக்கள், கிரெடிட், டெபிட் கார்டுகள் எல்லாம் இருந்தும் சந்தோஷம் பெற முடிய வில்லையே? அன்றைய ஒரு நூறு ரூபாய் (கல்லூரியில் திருப்பித் தந்த டெபாசிட் பணம்) தந்த மகிழ்ச்சியை விட இன்றைய பல ஆயிரம் சம்பளம் குறைவான மகிழ்ச்சியையே தருகிறதே, ஏன்?

தினத்தந்தி பேப்பரின் உதவியுடன் பஜ்ஜியில் உள்ள எண்ணெயை பிழிந்தெடுத்து பின்னர் அதனுடன் கலந்து அடிக்கும் ஒரு நாயர் கடை டீ தரும் திருப்தியை இன்றைய பிஸ்ஸா, பர்ஜர் போன்ற மேற்கத்திய உணவுகள் தருவதில்லையே?

இன்னும் கொஞ்சம் யோசனை செய்கிறேன்.

ஐம்பது கிலோமீட்டருக்கு மேல் தொடர்ந்து ஓட வேண்டுமென்றால், மெக்கானிக்கின் உதவி தேவைப் படுகிற ஒரு ஓட்டை பைக்கில் ஊர் சுற்றிய அளவுக்கு இன்று காரில் பயணம் செய்ய முடிய வில்லையே?

ஒரு ரயிலில் முன்பதிவு செய்யப் படாத பொது பெட்டியில் பொதுஜனத்துடன் பல நூறு கி.மீ. நின்று கொண்டே செய்த பயணத்தை விட இன்றைய வானூர்தி பயணமோ அல்லது குளிர்சாதனப் பெட்டி பயணமோ அதிக மகிழ்ச்சி தருவதில்லையே? அன்று உலகையே சுற்றி பார்த்து விட வேண்டுமென்ற வேட்கை இருக்க இன்றோ எந்த ஊருக்கு போவது என்ற ஒரு ஆயாச உணர்வு தோன்றுகிறதே, ஏன் இப்படி?

வாழ்க்கை மாறி விட்டதா? அல்லது நாம் மாறி விட்டோமோ?

முதன் முதலாக, மொபைல் போன் அதுவும் ப்ரீ பைய்டு கட்டணத்தில் யார் யாருகெல்லாமோ போன் செய்து நம்பர் கொடுத்தோமே? இன்று அலுவலக உபயத்தில் அன்லிமிட்டட் கால் செய்ய வசதியிருந்தும், எத்தனை பேர் நம்பர் நமக்கு ஞாபகமிருக்கிறது?

ஒரு சிறிய நண்பர் வட்டத்திற்குள்ளே கும்மாளமடித்த நாம், இப்போது அலுவலகம், தொழில் ரீதியான நண்பர்கள் என ஒரு ஒரு பெரிய கூட்டத்தின் நடுவே இருந்தாலும் அன்னியமாக உணர்கிறோமே, ஏன்?

ஒரு சிறிய வானத்திற்குள் பருந்தாக வட்டமிட்ட நாம், இன்று நமது வானம் விரிவடைந்து விட அதன் நடுவே ஒரு சின்னஞ்சிறு குருவியாக உணர்கிறோமோ? நம்மை சுற்றியுள்ள வானம் வளர்ந்த அளவிற்கு நமது எண்ணங்கள் விரிவடைய வில்லையோ?

நிதானமாக சிந்திப்போம்.

47,000 பேர் நீக்கம்-5 தொழிற்சாலைகள் மூடல்: சிக்கலில் ஜிஎம்

டெட்ராய்ட்: அமெரிக்காவின் முன்னணி கார் தயாரிப்பு நிறுவனமான ஜெனரல் மோட்டார்ஸ் மேலும் 47 ஆயிரம் பேரை வேலையிலிருந்து நீக்க முடிவு செய்துள்ளது.

மேலும், நஷ்டத்தைக் குறைக்க தங்களது 5 தொழிற்சாலைகளை இழுத்து மூடிவிடவும் முடிவு செய்துள்ளது. ஒரேயடியாக நிறுவனத்தை மூடாமல் தவிர்க்க 30 பில்லியன் டாலர் அளவு நிதியுதவி தங்கள் நிறுவனத்துக்கு மட்டும் தேவை என்றும் ஜெனரல் மோட்டார்ஸ் கூறியுள்ளது.

கார் விற்பனை உலகெங்கும் கடும் சரிவுக்குள்ளாகியதாலும், நிதி நெருக்கடியாலும் பெரிதும் பாதிக்கப்பட்டுள்ள நிறுவனங்களுள் ஒன்று ஜெனரல் மோட்டார்ஸ். ஏற்கெனவே தங்களின் 8 தொழிற்சாலைகளை மூடியதோடு, 1 லட்சம் பணியாளர்களையும் வேலையிலிருந்து நீக்கியுள்ளது ஜிஎம்.

நெருக்கடியைச் சமாளிக்க இந்நிறுவனத்துக்கு 13.4 பில்லியன் டாலர் அளவுக்கு நிதி உதவியை அளித்துள்ளது ஒபாமா அரசு. ஆனால் அப்படியும் நெருக்கடி தீரவில்லையாம்.

எனவே உலகமெங்கும் உள்ள தங்களது மொத்த தொழிற்சாலைகளையும் மறுசீரமைக்க முடிவு செய்துள்ளது ஜெனரல் மோட்டார்ஸ்.

இதன் ஒரு பகுதியாக தனது 5 உற்பத்திக் கூடங்களை மூடப்போகும் ஜிஎம், 47 ஆயிரம் பணியாளர்களையும் நீக்குகிறது.

மேலும் அமெரிக்க நிதித்துறைக்கு ஒரு அறிக்கையையும் இந்நிறுவனம் அளித்துள்ளது. அதில் தங்கள் நிறுவனத்தின் நெருக்கடிகள் குறித்து விவரித்துள்ள ஜிஎம் நிறுவனம், ஒரேயடியாக நிறுவனத்தை மூடுவதைத் தவிர்க்க, 30 பில்லியன் டாலர் நிதி உதவி வேண்டும் என்றும், நிறுவனம் லாபத்தில் இயங்க இன்னும் எட்டு ஆண்டுகள் அதாவது 2017-ம் ஆண்டுவரை அவகாசம் தேவை என்றும் அந்த அறிக்கையில் கூறப்பட்டுள்ளது.

பணவீக்கம் குறையுது: விலையோ ஏறுது!-ஏன்… ஏன்?

‘என்னய்யா இது… பணவீக்கம் குற்துவிட்டதென்று தினமும் செய்திகளாகப் போட்டுத் தாக்குகிறீர்கள்… ஆனால் விலைவாசி குறைந்தமாதிரி தெரியலையே…’ என்று கேள்விகள் குவிகின்றன. இதற்கு பதில் சொல்ல வேண்டிய மத்திய நிதி அமைச்சகம் அமைதி காக்கிறது.

இன்னொரு பக்கம் ரிசர்வ் வங்கி ஏராளமான நிதிச் சலுகைகளை அள்ளி விட்டுக் கொண்டிருக்கிறது. இதுவரை ரூ.5 லட்சம் கோடிக்கு சலுகைகள் வழங்கப்பட்டுள்ளதாக ரிசர்வ் வங்கி கவர்னர் சுப்பாராவ் அறிவித்துள்ளார். பெட்ரோல் டீஸல் விலை குறைக்கப்பட்டது, நேற்று ரயில் கட்டணங்கள் கூட குறைந்துவிட்டன. ஆனால் அன்றாட விலைவாசி உச்சாணிக் கொம்பிலேயே உட்கார்ந்து கொண்டுள்ளது.

சரி… இருக்கட்டும். எதற்கும் ‘பக்கத்து வீட்டைக்’ கொஞ்சம் எட்டிப் பார்த்துவிட்டு வரலாம்!

சீனா… நமது அண்டை நாடு மட்டுமல்ல, ஆசியப் பிராந்தியத்தில் நம்மை ரொம்பவே முந்திச் சென்று கொண்டிருக்கும் வல்லரசும் கூட.

பொருளாதார அணுகுமுறையில் நமக்கும் அவர்களுக்கும் இப்போது பெரிய வித்தியாசமில்லை. ஆனால் எதையும் திருந்தச் செய்கிறார்கள். அதுதான் மிகப் பெரிய வித்தியாசம். தனியுடைமை, சந்தைப் பொருளாதாரம் அனுமதிக்கப்பட்டுவிட்டாலும், விலை நிலைப்படுத்துதல் என்ற முக்கிய கருவியை தன் கட்டுப்பாட்டிலேயே வைத்துள்ளது சீனா. அதன் விளைவு சீனாவின் பணவீக்கம், நுகர்வோர் விலைக்குறியீட்டெண்படி 4.9 சதவீதமாக உள்ளது.

நடப்பு நிதியாண்டு துவக்கத்தில் 7.1 சதவீதமாக இருந்த பணவீக்கத்தை இந்த ஆண்டு 4.8 சதவீதமாக குறைப்போம் என சீன அரசு உறுதி கூறியது. அதற்கேற்ப இப்போது 4.9 சதவீதமாக்கியுள்ளது. இன்னும் 1 மாத காலத்தில் 4.8-க்குக் கொண்டு வந்துவிடுவோம் என்கிறார்கள். அதாவது தாங்கள் திட்டங்களில் சொன்ன புள்ளிவிவரத்துக்கு தோராயமாக ஒரு கணக்கு காட்டினால் போதும் என்று அவர்கள் நினைக்கவில்லை. புள்ளிவிவரமும், நடைமுறை நிஜமும் ஒத்துப் போவதை ஒவ்வொரு காலகட்டத்திலும உறுதி செய்கிறார்கள். சந்தையை நிலைப்படுத்துவதில் முழுமையான அக்கறை காட்டுகிறார்கள்.

அதன் விளைவு…

2007-ம் ஆண்டைவிட, 2008-09 ஆண்டில் உணவுப் பொருள்களின் விலைகள் குறைந்த அளவு உயர்ந்துள்ளன, கட்டுப்படுத்தப்பட்டுள்ளன. 2007-ல் 14 சதவீத வேகத்தில் உயர்ந்த உணவுப் பொருள்களின் விலைகள், இப்போது 10 சதவீதமாகியுள்ளது. இந்த ஆண்டு இறுதிக்குள் இன்னும் நான்கு சதவீதம் குறையும் என்கிறார்கள்.

உற்பத்தித் துறையிலும் நிறைவான போக்கு நிலவுகிறது. உணவுப் பொருள்களின் தேவையைவிட கூடுதலான உற்பத்தியை எட்டியுள்ளது சீனாவின் விவசாயத் துறை. இங்கு உற்பத்தியாளர்கள் பெரிதும் பாதிக்கப்படுவது உற்பத்திச் செலவால்தான்.

இந்த செலவை நுகர்வோர் தலையில்தான் உற்பத்தியாளர்கள் கட்டுவார்கள் என்பதைப் புரிந்து கொண்ட அரசு, எக்காரணம் கொண்டும் அந்தத் தவறு மட்டும் நடக்கக் கூடாது என்பதில் உறுதி காட்டுகிறது. அப்படி நடந்தால் அது மீண்டும் பணவீக்கத்துக்கே வழிவகுக்கும்.

இதற்காக உற்பத்தி செலவுக் குறைப்புக்கான மாற்று வழிகளை பரிந்துரைக்கத் துவங்கியுள்ளது சீனா. உற்பத்தியாளர்களுக்கு நஷ்டம் வராமல் பார்த்துக் கொள்ளவும் அரசு உறுதியளித்துள்ளது. இதன் விளைவு, இறைச்சி, சமையல் எண்ணெய் மற்றும் குறிப்பிட்ட உணவு தானியங்களின் விலை 20 முதல் 30 சதவீதம் வரை குறைந்துள்ளது சீனாவில்.

இந்த கோடைக்குள் மேலும் 30 சதவீத விலைக் குறைப்புக்கு உறுதியளித்துள்ளது சீனா. அதற்கேற்ப, தற்போதுள்ளதைவிட இருமடங்கு விவசாய உற்பத்தி வரும் கோடையில் சாத்தியமாகும் என அந்நாட்டு விவசாயத்துறை நம்பிக்கை தெரிவித்துள்ளது.

விலைகள் எப்போதும் கட்டுப்பாட்டில் இருக்க சீனா என்னதான் செய்கிறது?

குறிப்பிட்ட இடைவெளிகளில் விலைக் கட்டுப்பாட்டு முறைகளை மாற்றிக் கொண்டே உள்ளது. இப்போது சீனாவை அச்சுறுத்திக் கொண்டிருக்கும் ‘கார்ப்பரேட் காஸ்ட்’ – நிறுவனச் செலவு அதிகரிப்பை மட்டும் வெற்றிகரமாகச் சமாளித்துவிட்டால், இந்த பொருளாதார மந்தத்திலிருந்தும் சீனா தப்பித்துவிடும். என்ன செய்யப் போகிறார்கள் சீனர்கள் என்பதை அறிய உலகமே ஆவலுடன் காத்திருக்கிறது, குறிப்பாக அமெரிக்கா.

பொருள்களின் விலைகள் குறையக் குறைய, உற்பத்தியாளர் கடன்களுக்கான வட்டிகள் குறைக்கப்படுகின்றன. அதிகரிக்கும் உற்பத்தி செலவை ஈடுகட்ட இது ஒரு சிறந்த வழி. மக்களுக்கு இதை விளக்க வேண்டிய அவசியம்கூட இல்லை அரசுக்கு. மிகச் சிறந்த பணவியல் கொள்கை வகுப்பாளர்கள் இருந்தால் மட்டுமே இந்தியா போன்ற நாடுகளில் இது சாத்தியமாகும்.

பணவீக்கம் ஏன் குறைகிறது… எப்போது அதிகரிக்கும்? ஏன் விலைகள் மட்டும் குறையவில்லை? போன்ற கேள்விகளுக்கு ஜோதிட திலகங்கள் மாதிரி பதில் சொல்லிக் கொண்டிருக்கும் அரைகுறை பொருளாதார அறிஞர்களை நம்பிக் கொண்டிருந்தால், இந்தியப் பொருளாதாரம் இப்படி முரண்பாடுகளின் மூட்டையாகவே காட்சி தரும்.

7.2 மில்லியன் மக்கள் வேலையிழப்பார்கள்!-ஐஎல்ஓ

மணிலா: இந்த ஆண்டு மட்டும் வேலையிழக்கப் போகும் ஆசியர்களின் எண்ணிக்கை 72 லட்சமாக இருக்கும் என பன்னாட்டு தொழிலாளர் அமைப்பு (ஐஎல்ஓ) எச்சரித்துள்ளது. ஜெனீவாவில் இயங்கும் இந்த ஐநா துணை அமைப்பு மேலும் பல திடுக்கிடும் கணிப்புகளை வெளியிட்டுள்ளது.

ஆசிய பிராந்தியத்துக்கான வேலைவாய்ப்புகள் குறித்து ஐஎல்ஓ இன்று வெளியிட்டுள்ள அறிக்கை:

2009ம் ஆண்டு ஆசியா முழுக்க வேலையின்றி தவிக்கும் நபர்களின் எண்ணிக்கை 9.2 கோடியாக உயரும்.

மேற்கத்திய நாடுகளை கடந்த 2 ஆண்டுகளாக வாட்டி வதைத்து வரும் பொருளாதார நெருக்கடி இப்போது இந்தியா உள்ளிட்ட ஆசிய நாடுகளையும் வேகமாக வீழ்த்தி வருகிறது. இதன் விளைவாக இந்த 2009ம் ஆண்டு மட்டுமே ஆசிய நாடுகளில் கடந்த ஆண்டைக் காட்டிலும் கூடுதவாக 7.2 மில்லியன் அதாவது 72 லட்சம் பேர் வேலையிழப்பார்கள் என ஐஎல்ஓ எதிர்பார்க்கிறது.

இது குறைந்தபட்ச மதிப்பீடுதான் அதிகபட்சமாக 90 லட்சம் பேர் வரை பாதிக்கப்படலாம் என தனது அறிக்கையில் ஐஎல்ஓ குறிப்பிட்டுள்ளது.

இந்த ஆண்டு இந்தியா உள்ளிட்ட ஆசிய நாடுகளில் 5.1 கோடி பேருக்கு புதிய வேலைவாய்ப்புகள் தோவைப்படுமாம். இதில் இந்தியாவுக்கு மட்டுமே 22.3 மில்லியன் புதிய வேலைகள் தேவை என்கிறது ஐஎல்ஓ.

 ஒவ்வொரு இந்தியனின் தலையிலும் ரூ.30 ஆயிரம் கடன்!

டெல்லி: கடன் வாங்குவதில் புதுப்புது சாதனைகளைப் படைத்துக் கொண்டிருக்கும் நாடு இந்தியா என்பது தெரியும். என்றாலும் உண்மையில் இந்தியாவின் கடன் எவ்வளவு என்பது குறித்த விவரம் தெரியுமா?

ரூ. 34 லட்சத்து 6 ஆயிரத்து 322 லட்சம் கோடிகள். உலக வங்கி, ஐஎம்எப், ஆசிய வளர்ச்சி வங்கி என ஒரு இடத்தையும் விட்டுவைக்கவில்லை.

இந்தக் கடன் தொகையை இந்திய மக்கள் தொகையால் வகுத்தால் ஒரு நபருக்கு ரூ.30 ஆயிரம் கடன் மிஞ்சுகிறது. இந்திய மக்களின் ஒரு ஆண்டுக்கான தனிநபர் வருவாய் ரூ.38 ஆயிரம் மட்டும்தான். ஆனால் ஒவ்வொருவர் தலைமீதும் உள்ள பொதுக்கடன் ரூ.30000. இந்த கணக்குப் படி பார்த்தால் வெறும் ரூ.8000-தான் மிஞ்சுகிறது ஒவ்வொரு இந்தியனுக்கும் மிஞ்சுகிறது.

இந்தியா கடந்த சில ஆண்டுகளாக ஆண்டுதோறும் ரூ.3 லட்சம் கோடி கடன் வாங்கி வருகிறது என்பது குறிப்பிடத்தக்கது.

எச்1பி விசா: யுஎஸ் சட்டம் என்ன தான் சொல்கிறது?

வாஷிங்டன்: ஒபாமா அரசிடம் நிதி உதவி (பெயில் அவுட்) பெறும் நிறுவனங்கள் இனி எச் 1 பி விசாவில் வெளிநாட்டிலிருந்து பணியாளர்களை வேலைக்கு அமர்த்தக் கூடாது என நிர்பந்திக்கப்படுவதாக சில தினங்களாக பரபரத்துக் கொண்டிருக்கின்றன மீடியாக்கள் (நாம் உள்பட).

இதனால் அமெரிக்க வேலை குறித்த கனவுகளோடு காத்திருப்பவர்களுக்கு பலவித குழப்பங்கள் தோன்றியுள்ளன. இனி இந்த நிறுவனங்கள் எச் 1 பி விசாவில் வெளிநாட்டு ஊழியர்களை சேர்க்கவே முடியாதா?.

அமெரிக்க மீட்பு மற்றும் மறுமுதலீட்டு சட்டத்தின் படி (இதான் ஒபாமாவின் பெயில் அவுட் சட்டத்துக்கு பேர்) எச்1பி விசா, கிரீன் கார்டுகள் குறித்த அமெரிக்க அரசின் நிலை என்ன?

இது குறித்து அமெரிக்காவின் முன்னணி இமிக்ரேசன் வழக்கறிஞரான ராஜிவ் எஸ் கண்ணா அளித்துள்ள விளக்கம் அமெரிக்க கனவுகளுடன் காத்திருப்போரின் கவலைகளை போக்குவதாக அமைந்துள்ளது. அவர் தந்துள்ள விளக்கத்தின்படி எச்1பி விஷயத்தில் இந்த சட்டத்தில் 4 நிபந்தனைகள் போடப்பட்டுள்ளன. அதன் விவரம்:

நிபந்தனை 1: அமெரிக்க அரசிடம் நிதிச் சலுகை பெரும் நிறுவனமானது சில நிபந்தனைகளின் அடிப்படையில் எச் 1 பி விசாவில் பணியாளர்களை வேலைக்கு அமர்த்தலாம். அதே நேரத்தில் இப்போது பணியில் உள்ள எச் 1 பி விசா பணியாளர்கள் எந்த வகையிலும் பாதிக்கப்படக் கூடாது. இவர்களின் க்ரீன் கார்டுக்கோ அல்லது அதற்காக அவர்கள் அனுப்பியுள்ள விண்ணப்பத்துக்கோ எந்த பாதிப்பும் வரக்கூடாது.

நிபந்தனை 2: இந்த எச்1 பி விசா பணியாளர்களை நம்பியுள்ள நிறுவனங்களுக்கு, அந்த பணியாளர்களின் தேவை எப்போதும் உள்ளதாகவே அர்த்தம். இத்தகைய நிறுவனங்கள் எச்1 பி விசா பணியாளர்களை நம்பியிருப்பவை என வகைப்படுத்தப்படும்.

நிபந்தனை 3: நிதிச் சலுகை பெறும் நிறுவனங்கள் இனி கூடுதலாக பின்பற்ற வேண்டிய நிபந்தனை:

தற்போது பணியில் உள்ள ஒரு அமெரிக்கப் பணியாளரை நீக்கும்போது, அந்த இடத்தில் எச் 1பி விசா பணியாளரை அமர்த்தக்கூடாது. மீண்டும் ஒரு அமெரிக்கரை மட்டுமே அந்த இடத்துக்கு அமர்த்த வேண்டும். அப்படி ஒரு அமெரிக்கப் பணியாளர் வரும்வரை பொறுத்திருக்கலாம்.

நிபந்தனை 4: விதிவிலக்காக சில நேரங்களில் வெளிநாட்டுப் பணியாளர்களை வேலைக்கு அமர்த்த வேண்டி வரலாம். அப்படி நியமிக்கப்படும் எச்1பி விசா பணியாளர் உயர் பட்டம் பெற்றிருப்பவராக இருக்க வேண்டும் அல்லது ஆண்டுக்கு 60 ஆயிரம் டாலருக்கு மேல் சம்பளம் பெறுபவராக இருக்க வேண்டும். பொதுவாக இந்த மாதிரி சிறப்பு பணியாளர்களுக்கு, அமெரிக்காவின் புதிய எச் 1பி விசா நிபந்தனைகள் பொருந்தாது.

இவ்வாறு அந்த சட்டத்தில் உள்ள உள் பிரிவுகளை முழுமையாக ஆராய்ந்து விளக்கம் தந்துள்ளார் ராஜிவ்.

 சுபிக்ஷாவை சூறையாடிய ஊழியர்கள்!!

மும்பை: சம்பளம் தரக்கூட பணமில்லை என நிர்வாகம் கைவிரித்து விட்டதால் ஆத்திரப்பட்ட ஊழியர்கள் மற்றும் அவர்களது உறவினர்கள் சுபிக்ஷா சில்லறை விற்பனை நிறுவனத்தின் 600 கிளைகளிலிருந்து பொருட்களை எடுத்துக் கொண்டு கடைகளை அடித்து நொறுக்கியுள்ளனர்.

நாடு முழுவதும் 1,600க்கும் மேற்பட்ட கிளைகளுடன் இயங்கும் சுபிக்ஷா நிறுவனத்துக்கு கடன் தர வங்கிகள் மறுத்துவிட்டதால் பெரும் நிதிச் சிக்கலுக்கு உள்ளாகிவிட்டதாகவும், இதனால் கடந்த 2 மாதங்களாக ஊழியர்களுக்கு சம்பளம் தரக் கூட பணமின்றி பெரும் சிக்கலில் மாட்டிக் கொண்டிருப்பதாகவும் சுபிக்ஷா நிறுவனர் மற்றும் நிர்வாக இயக்குநர் சுப்பிரமணியம் சில தினங்களுக்கு முன் கூறியிருந்தார்.

இந் நிறுவனத்தில் உள்ள 15,000க்கும் மேற்பட்ட ஊழியர்களின் எதிர்காலம் பற்றி உறுதியாக சொல்ல முடியாத நிலையில் உள்ளதாகவும் அவர் கூறியிருந்தார்.

இந்த நிலையில், சம்பளமின்றித் தவிக்கும் இந்நிறுவனத்தின் ஊழியர்கள் சிலர், தாங்கள் பணியாற்றிய கிளைகளைச் சூறையாடத் தொடங்கி விட்டதாகக் கூறப்படுகிறது.

இதுவரை 600 கிளைகளில் இந்த சூறையாடல் நடந்துள்ளதாகவும், இருக்கிற சொத்துக்களை சேதமடையாமல் காக்க, பலத்த பாதுகாப்புக்கு ஏற்பாடு செய்யப்பட்டுள்ளதாகவும் சுபிக்ஷா தரப்பில் கூறப்படுகிறது.

இதில் வேடிக்கை என்னவென்றால், சுபிக்ஷா குடோன்கள் பலவற்றை சூறையாடியவர்களே, அவற்றைப் பாதுகாக்க பணியில் அமர்த்தப்பட்டு, சம்பளம் தரப்படாததால் வெறுத்துப் போனவர்கள்தானாம்.

‘பணியாளர்கள், அவர்களது ஆதரவாளர்கள், காவலுக்கு இருந்தவர்களே சுபிக்ஷாவின் பல கிளைகளைச் சூறையாடியுள்ளதாக தகவல்கள் வருகின்றன. விசாரித்துக் கொண்டிருக்கிறோம். இந்த நிலையைப் பயன்படுத்திக் கொண்டு சமூக விரோதிகளும் தங்கள் கைவரிசையைக் காட்டுவதாகவும் கூறப்படுகிறது.

சுபிக்ஷா பெரிய நிறுவனம். இப்போது நிதிச் சிக்கலில் மாட்டிக் கொண்டுள்ளது. வங்கிகள் கைவிரித்துவிட்ட இந்த சூழ்நிலையில் கைகொடுக்க முதலீட்டாளர்களை வரவேற்கிறோம்’ என்று கூறியுள்ளார் சுபிக்ஷா நிறுவனர்.

சம்பளத்தில் ‘கைவைக்கும்’ இன்போசிஸ்!

பெங்களூர்: புதிதாக ஆட்களை தேர்வு செய்வதை நிறுத்திவிட்ட இன்போசிஸ் நிறுவனம் தற்போது ஊழியர்களின் சம்பளத்தை குறைக்கும் முடிவுக்கு வந்துள்ளதாக மனிதவள துறை இயக்குனர் மோகன்தாஸ் பை தெரிவித்துள்ளார்.

உலக பொருளாதார நெருக்கடியை தொடர்ந்து தகவல் தொழில்நுட்ப நிறுவனங்கள் உச்சக்கட்ட பாதிப்பை சந்தித்துள்ளன. ஆட்குறைப்பு தினசரி நடவடிக்கைகளில் ஒன்றாகிவிட்டது.

இந்நிலையில் இந்தியாவின் இரண்டாவது பெரிய நிறுவனமான இன்போசிஸ் ஊழியர்களின் சம்பளத்தை குறைக்கப் போவதாக தெரிவித்துள்ளது.

மோகன்தாஸ் பை கூறுகையில்,

ஊழியர்களின் சம்பளத்தின் ஒரு பகுதி நிறுவனத்தின் லாபத்தில் இருந்து கொடுக்கப்பட்டு வந்தது. தற்போது லாபம் குறைந்து வருவதை அடுத்து சம்பளமும் குறைக்கப்படும்.

இந்த ஆண்டு யாரும் சம்பள உயர்வை எதிர்பார்க்க முடியாது. கடந்தாண்டு கேம்பஸ் இன்டர்வியூ மூலம் சுமார் 20,000 பேர் தேர்வு செய்யப்பட்டனர். இந்தாண்டு புதியவர்கள் யாரையும் வேலைக்கு எடுக்கும் எண்ணம் இல்லை.

நாங்கள் பொறுப்பா?:

சத்யம் நிறுவனத்தின் வாடிக்கையாளர்கள் சிலர் எங்களை நாடி வருகின்றனர் என ஏற்கனவே எங்கள் தலைமை செயல் அதிகாரி கோபாலகிருஷ்ணன் தெரிவித்திருந்தார். அவர்கள் தங்கள் சொந்த விருப்பத்தின் பேரில் வந்தால், தனியாக தனியாக அவர்களது சூழ்நிலை ஆராய்ந்து ஏற்றுக் கொள்வோம் என்றார் மோகன்தாஸ் பை.

உலகிந் டாப் 20 நிறுவனங்களில் இன்போசிஸ்:

இதற்கிடையே ஹய் குரூப் மற்றும் சீப் எக்சிக்யூட்டிவ் பத்திரிகையும் இணைந்து நடத்திய சர்வேயில் சிறந்த தலைவர்களை உருவாக்கும் உலகின் டாப் 20 நிறுவனங்களில் இன்போசிசும் ஒன்றாக தேர்வு செய்யப்பட்டுள்ளது.

இந்நிறுவனங்கள் பொருளாதர நெருக்கடியை சமாளிக்க கூடிய திறமையும், பொருளாதார சீரமைப்புக்கு பின் வேகமாக வளரக் கூடியவை என்றும் கருத்துக் கணிப்பு தெரிவிக்கிறது.

இவ்வரிசையில் இடம்பிடித்துள்ள ஒரே இந்திய நிறுவனமான இன்போசிஸூக்கு 14வது இடம் கொடுக்கப்பட்டுள்ளது. முதல் மூன்று இடங்களை 3 எம், புராக்டர் அண்ட் கேம்பிள் மற்றும் ஜெனரல் எலக்ட்ரிக் நிறுவனங்கள் பிடித்துள்ளன.

ஒபாமாவின் பேக்கேஜ்: பல ‘ஐட்டங்களுக்கு’ வெட்டு

வாஷிங்டன்: அமெரிக்க அதிபர் பாரக் ஒபாமாவின் நிதியுதவி மசோதாவில் இடம் பெற்றுள்ள பல ஷரத்துக்களுக்கான நிதியுதவியைக் குறைக்கவும், சிலவற்றுக்கு முழுமையாக நிதியுதவியை வழங்காமல் இருக்கவும் செனட் உறுப்பினர்கள் முடிவு செய்துள்ளனர். இதையடுத்து இந்த மசோதா இன்றைக்குள் நிறைவேற்றப்படும் என தெரிகிறது.

நலிவடைந்து வரும் பொருளாதாரத்தை நிறுத்தவும், தொழில் நிறுவனங்கள் உள்ளிட்ட பல்வேறு துறையினருக்கு புத்துயிர் அளிக்கவும் 40 லட்சம் கோடி நிதியை ஒதுக்க ஒபாமா முடிவு செய்துள்ளார்.

இதுதொடர்பாக மசோதா ஒன்றும் தயாராகியுள்ளது. இந்த மசோதாவுக்கு செனட் கமிட்டி ஒப்புதல் அளித்து விட்டது. அடுத்து செனட் சபை இதை நிறைவேற்ற வேண்டும்.

ஆனால் இவ்வளவு பெரிய தொகையை நிதியுதவியாக கொடுத்தால், நாடு பெரும் பாதிப்பை சந்திக்கும் என குடியரசுக் கட்சி செனட்டர்கள் எதிர்ப்புக் குரல் எழுப்பினர். மேலும், ஜனநாயகக் கட்சி செனட்டர்கள் சிலரும் இதற்கு ஆட்சேபனை தெரிவித்தனர்.

இதையடுத்து மாற்றுக் கருத்துடன் கூடிய இரு தரப்பினரும் இணைந்து இந்த மசோதா குறித்து ஆய்ந்து சில பரிந்துரைகளை அளித்துள்ளனர். அதன்படி மசோதாவில் அறிவிக்கப்பட்டுள்ள நிதியின் அளவு பெருமளவில் குறைக்கப்பட்டுள்ளது.

இதைத் தொடர்ந்து இன்று செனட் சபையில் நிதியுதவி மசோதா நிறைவேற்றப்படும் எனத் தெரிகிறது.

செனட்டர்களின் பரிந்துரைப்படி பாதியளவு மற்றும் முழுமையாக நிதியளவு குறைக்கப்பட்டுள்ள ஷரத்துகள்..

– அரசுக் கட்டடங்களுக்கு மின்வசதியை ஏற்படுத்துவதற்கான 7 பில்லியன் டாலரிலிருந்து 3.5 பில்லியனாக குறைப்பு.

– ஸ்மித்சோனியன் நிறுவனத்திற்கான நிதி 150 மில்லியன் டாலரிலிருந்து 75 மில்லியன் டாலராக குறைப்பு.

– சுற்றுச்சூழல் பாதுகாப்பு ஏஜென்சியின் சூப்பர் நிதி 800 மில்லியன் டாலரிலிருந்து 200 மில்லியன் டாலராக குறைப்பு.

– தேசிய ஓசியானிக் மற்றும் அட்மாஸ்பரிக் நிர்வாகத்திற்கு 427 மில்லியன் டாலரிலிருந்து 100 மில்லியன் டாலராக குறைப்பு.

– சட்டத்துறை வயர்லஸ் செலவுகளுக்காக 200 மில்லியன் டாலரிலிருந்து 100 மில்லியனாக குறைப்பு.

– ஹைபிரிட் ரக அரசு வாகனங்களுக்கான செலவு 600 மில்லியனிலிருந்து 300 மில்லியனாக குறைப்பு.

– எப்.பி.ஐ.க்கான கட்டுமானச் செலவுகள் 400 மில்லியனிலிருந்து 100 மில்லியன் டாலராக குறைப்பு.

முழுமையாக நிதி வெட்டுக்குள்ளாகியுள்ளவை …

– வரலாற்று ஆவண பாதுகாப்புக்கு ஒதுக்கப்பட்ட 55 மில்லியன் டாலர் ரத்து.

– கடலோரப் பாதுகாப்புப் படையினருக்கான ஐஸ் வெட்டும் கருவிகள், ஐஸ் பிரேக்கர்கள் வாங்க ஒதுக்கப்பட்ட 122 மில்லியன் டாலர்.

– விவசாய சேவை நவீனமயமாக்கலுக்காக ஒதுக்கப்பட்ட 100 மில்லியன் டாலர்.

– கூட்டுறவு ஆய்வு, கல்வி மற்றும் விரிவாக சேவைக்காக ஒதுக்கப்பட்ட 50 மில்லியன் டாலர்.

– நீர் மேலாண்மைக்கான 65 மில்லியன் டாலர் நிதி.

– தொலை தூரக் கல்விக்கான 100 மில்லியன் டாலர் நிதி.

– மீன் வளர்ப்புக்கான 50 மில்லியன் டாலர்.

– பிராட்பேண்ட் சேவைக்கான 2 மில்லியன் டாலர்.

– தேசிய தரம் மற்றும் தொழில்நுட்பக் கழகத்திற்கான 100 மில்லியன் டாலர்.

– சிறைகளுக்கு ஒதுக்கப்பட்ட 300 மில்லியன் டாலர்.

– மாகாண மற்றும் உள்ளூர் சட்டத்துறைக்கான 10 மில்லியன் டாலர்.

– நாசாவுக்கு ஒதுக்கப்பட்ட 50 மில்லியன் டாலர்.

– ஏரோநாட்டிக்ஸ் பிரிவுக்கு ஒதுக்கப்பட்ட 50 மில்லியன் டாலர்.

– ஆய்வுப் பணிகளுக்கான 50 மில்லியன் டாலர்.

– தேசிய அறிவியல் கழகத்திற்கான 200 மில்லியன் டாலர்.

– அறிவியல் பிரிவுக்கான 100 மில்லியன் டாலர்.

– உள்நாட்டுப் பாதுகாப்புத் துறைக்கான 50 மில்லியன் டாலர்.

– போக்குவரத்து பாதுகாப்பு நிர்வாகத்திற்கான 200 மில்லியன் டாலர்.

– பள்ளிக் கட்டுமானத்திற்கான 16 பில்லியன் டாலர்.

– உயர் கல்வி நிறுவனங்களின் கட்டுமானத்திற்கான 3.5 பில்லியன் டாலர்.

இப்படி நிதி ரத்து செய்யப்பட்டவற்றின் பட்டியல் நீளுகிறது.

 

உயிர் பெறுமா பங்குச் சந்தை? பட்ஜெட் முடிவு செய்யும்

வரப்போகும் மினி பட்ஜெட் மற்றும் கம்பெனிகளுக்கு இன்னும் பேக்கேஜ் என்று, சிறப்பான அரசு அறிவிப்புகள் வரும் வாரம் வருமென எதிர்பார்த்து பங்குச் சந்தைகள், திங்களன்று மிகவும் மேலே சென்றன. மும்பை பங்குச் சந்தை 283 புள்ளிகள் மேலே சென்று முடிவடைந்தது.

கடந்த சில மாதங்களில் இவ்வளவு புள்ளிகள் அதிகம் சென்றது ஒரு சில முறை தான். ஆகையால் முதலீட்டாளர்கள், சந்தை மேலே இவ்வளவு சென்றவுடன் இந்தியா கிரிக்கெட்டில் வென்றதை கொண்டாடுவது போல கொண்டாடினர். இது வரை இரண்டு பேக்கேஜுகள் அறிவிக்கப்பட்டுள்ளன. இன்னும் ஒன்று வரலாம் என்ற எதிர்பார்ப்புகள் அதிகம் உள் ளன. நேற்று முன்தினமும் மேலே சென்றது. அதுவும், கடந்த ஒரு மாத உச்சத்திற்கு சென்றது. குறிப்பாக வங்கிப் பங்குகள் கூடின. வெளிநாட்டு முதலீட்டு நிறுவனங்கள் 370 கோடி ரூபாய் அளவிற்கு வாங்கியது ஒரு நல்ல அறிகுறி.

சந்தை அன்றைய தினம் 64 புள்ளிகள் மேலே சென்றது. திங்கள், நேற்று முன்தினம் இரண்டு தினங்களிலும் முதலீட்டாளர்களின் மதிப்பு 88 ஆயிரம் கோடி ரூபாய் உயர்ந்தது. 10 ஆயிரத்தை தொட்டு விடும் தூரம் தான் என்று நேற்று முன்தினம் சொன்னாலும், நேற்று கேட்கத் தயாராக இல்லை.

சந்தை துவக்கத்தில் 180க்கும் அதிகமான புள்ளிகளை இழந்திருந்தது. சந்தை மிகவும் மேலும், கீழுமாகவே இருந்தது. முடிவாக சந்தையில் வந்த ஒரு செய்தி என்னவென்றால், வரி மற்றும் வெளிநாட்டு நிறுவனங்கள் இந்தியாவில் முதலீடுகளில் சில திருத்தங்கள் வரப்போகின்றன என்ற தகவல்களால் சந்தைக்கு உயிர் வந்தது. நேற்று இறுதியாக மும்பை பங்குச் சந்தை 28 புள்ளிகள் குறைந்து 9,618 புள்ளிகளுடனும், தேசிய பங்குச் சந்தை 8 புள்ளிகள் குறைந்து 2,925 புள்ளிகளுடனும் முடிவடைந்தது.

புதிய வெளியீடு: எடுசர்வ் என்ற சென்னையைச் சேர்ந்த எஜுகேஷனல் நிறுவனம் தனது புதிய வெளியீட்டை 5ம் தேதி துவக்கி 9ம் தேதி முடித்தது. 55 ரூபாய் முதல் 60 ரூபாய் வரை வைத்து வெளி

யிடப்பட்ட இந்த வெளியீடு 1.03 தடவைகள் செலுத்தப்பட்டன.

 

சமீப காலத்தில் புதிய வெளியீடு என்பதே அரிதாக இருக்கும் சமயத்தில் இந்த வெளியீடு துணிச்சலாக வந்தது ஆச்சரியம் தான். எப்படி பட்டியலிடப் போகிறது என்பதை பொறுத்திருந்து பார்க்க வேண்டும்.

இந்த மாதத்தில் வெளியாகும் உள்நாட்டு மொத்த வளர்ச்சி புள்ளி விவரத்தில் 7 சதவீத வளர்ச்சி இருக்கிறதா, இல்லையா என்றும் நாட்டின் வளர்ச்சி எப்படி இருக்கிறது என்று பார்க்கவும் உதவும்.

இந்தியாவும், சீனாவும் தான் இந்த ஆண்டு ஒரு சிறப்பான வளர்ச்சி விகிதத்தை எட்டும். மற்ற நாடுகளில் அவ்வளவு வளர்ச்சி விகிதங்கள் சிறப்பாக இருக்காது என்று பலரும் கணித்துள்ளனர்.

வங்கி வட்டி விகிதங்கள் குறைந்து வருகின்றன. இன்னும் குறையும் என்ற எதிர்பார்ப்புகள் நிறைய இருக்கின்றன. குறைந்தால், கடன்கள் வாங்குவது கூடும். அது நாட்டின் பொருளாதாரத்தை முன்னேற்ற உதவும். மும்பை ஐகோர்ட் இடைக்கால உத்தரவுப்படி ரிலையன்ஸ் கிருஷ்ணா கோதாவரி பேசினிலிருந்து காஸ் தனியாருக்கு விற்கலாம் என்ற உத்தரவு அந்தக் கம்பெனிக்கு வருங்காலத்தில் லாபங்களை மிகவும் கூட்ட உதவும்.

 

வரும் வாரங்கள் எப்படி இருக்கும்? இன்று வரவிருக்கும் உற்பத்தி புள்ளி விவரம் ஒரு முக்கிய நிகழ்வு. இது பணவீக்க சதவீதத்தை விட அதிகமான முக்கியத்துவம் பெற்றது. தற்போதைய சூழ்நிலையில், நாளை வரவிருக்கும் ரயில்வே பட்ஜெட்டும், 16ம் தேதி தாக்கல் செய்யவிருக்கும் மத்திய மினி பட்ஜெட்டும் எதிர்பார்க்க வேண்டிய ஒன்று. அதில் என்னென்ன சலுகைகள் வரப் போகிறது என்பதைப் பொறுத்தும் சந்தையின் போக்கு அமையும்.

 – சேதுராமன் சாத்தப்பன்-

மூன்று வங்கிகள் நிதி ஆதாரம் வலுப்படுத்த ரூ.3,800 கோடி

புதுடில்லி: யூகோ பாங்க், சென்ட்ரல் பாங்க் ஆப் இந்தியா மற்றும் விஜயா வங்கி ஆகிய மூன்று வங்கிகளின் நிதி நிலைமையை மேம்படுத்துவதற்காக, 3,800 கோடி ரூபாய் வழங்க மத்திய அரசு முடிவு செய்துள்ளது. இந்த மறு மூலதன திட்டத்தின் கீழ், சென்ட்ரல் பாங்க் ஆப் இந்தியா 1,400 கோடி ரூபாயும், யூகோ பாங்க் மற்றும் விஜயா வங்கி ஆகியவை தலா 1,200 கோடி ரூபாயும் பெறும் என, மத்திய அமைச்சர் சிதம்பரம் கூறியுள்ளார். அவர் மேலும் கூறியதாவது: இந்த மூலதன நிதி வழங்குவது இரண்டு கட்டமாக நடைபெறும். முதல் கட்ட நிதி நடப்பு நிதியாண்டிற்குள் வழங்கப்படும். அடுத்த கட்ட நிதி 2009-10ம் நிதியாண்டில் வழங்கப்படும். முதல்கட்ட ஒதுக்கீட்டில், யூகோ பாங்க் 450 கோடி ரூபாயும், சென்ட்ரல் பாங்க் ஆப் இந்தியா 700 கோடி ரூபாயும், விஜயா பாங்க் 500 கோடி ரூபாயும் பெறும். இதன்மூலம் வங்கிகளின் மூலம் 12 சதவீதத்திற்கு மேல் அதிகரிக்கும்.

அடுத்த கட்டமாக யூகோ பாங்க் 750 கோடி ரூபாயையும், சென்ட்ரல் பாங்க் ஆப் இந்தியா மற்றும் விஜயா வங்கி தலா 700 கோடி ரூபாயையும் பெறும். இந்த மூலதன நிதி வழங்குவதன் மூலம் மூன்று பொதுத் துறை நிறுவன வங்கிகளிலும் அரசின் பங்கு அதிகரிக்கும்.

எந்த தரப்பில் இருந்து நாட்டிற்கு எந்த வகையான அச்சுறுத்தல் இருந்தாலும், அதை எதிர்கொள்ள ராணுவம் தயார் நிலையில் உள்ளது. இதை ராணுவ அமைச்சர் ஏ.கே.அந்தோணியும் தெளிவுபடுத்தியுள்ளார். மத்திய பிரதேசம் – மகாராஷ்டிரா எல்லை – நாக்பூர் பிரிவில், 1,205 கோடி ரூபாய் செலவில் நான்கு வழிச் சாலை அமைப்பதற்கும் மத்திய அமைச்சரவை ஒப்புதல் அளித்துள்ளது.

நாக்பூர் விமான நிலையத்தில், மல்டி மாடல் பயணிகள் வளாகம் மற்றும் சரக்கு வளாகம் கட்டவும் அமைச்சரவை அனுமதி வழங்கியது. இந்திய விமான நிலையங்கள் ஆணையம் மற்றும் மகாராஷ்டிர அரசு இணைந்து கூட்டு முயற்சியில் இதை மேற்கொள்ள உள்ளன. இவ்வாறு அமைச்சர் சிதம்பரம் கூறினார்.

சமையல் எண்ணெய்க்கு வரி ரத்து : தேங்காய் எண்ணெய் விலை சரிவு

பொள்ளாச்சி: வெளிநாடுகளில் இருந்து இந்தியாவுக்கு இறக்குமதி செய்யப்படும் சமையல் எண்ணெய்க்கு இறக்குமதி வரி ரத்து செய்யப்பட்டதால், தேங்காய் எண்ணெய் விலை குறையத் துவங்கியுள்ளது.

இந்தியாவில் தென்னை சாகுபடி பரப்பிலும், தேங்காய் உற்பத்தியிலும் தமிழகம் முதலிடத்தில் உள்ளது. தமிழகத்தில் கோவை மாவட்டத்தில் தேங்காய், கொப்பரை மற்றும் தேங்காய் எண்ணெய் உற்பத்தி அதிகமாக உள்ளது. இந்தாண்டு தேங்காய் சீசன் பிப்ரவரியில் எதிர்பார்த்தபடி துவங்கியுள்ளது. தேங்காய் சீசன் துவங்குவதற்கு முன் தேங்காய், கொப்பரை, தேங்காய் எண்ணெயின் விலை குறைந்து வருகிறது. கடந்த மாதம் 15 கிலோ தேங்காய் எண்ணெய் 850 ரூபாய்க்கு விற்கப்பட்டது. நேற்றைய நிலவரப்படி 780 ரூபாய்க்கு விற்கப்பட்டது. ஒரு லிட்டர் தேங்காய் எண்ணெய் 52 ரூபாய்க்கு விற்கப்படுகிறது.

கொப்பரை உற்பத்தியாளர்கள் கூறியதாவது: சமையல் எண்ணெய்களுக்கு இறக்குமதி வரியை மத்திய அரசு முற்றிலும் ரத்து செய்துள்ளது. இறக்குமதி வரி ரத்து செய்யப்பட்டவுடன், வெளிநாடுகளுக்கு ஏற்றுமதி செய்யப்படும் எண்ணெய் ஏற்றுமதியை நிறுத்தி வைக்கவும் மத்திய அரசு உத்தரவிட்டது.

இதனால், சுத்திகரிக்கப்பட்ட முதல் ரக தேங்காய் எண்ணெய்யை வெளிநாடுகளுக்கு ஏற்றுமதி செய்வது தடைபட்டுள்ளது. எண்ணெய் நிறுவனங்கள், கொப்பரைத் தேங்காயின் விலையை படிப்படியாக குறைத்து கொள்முதல் செய்கின்றன. இதனால் கொப்பரை, தேங்காய் எண்ணெய் விலை உயராமல் ஸ்தம்பித்துள்ளது. மார்க்கெட்டில் ஒரு கிலோ கொப்பரைக்கு அதிகபட்சமாக 37.50 ரூபாய்க்கு விற்கப்படுகிறது. தேங்காய் எண்ணெய் லிட்டருக்கு 52 ரூபாய் மட்டுமே விலை கிடைக்கிறது. வரும் மாதங்களில் கொப்பரை உற்பத்தி அதிகரிக்கும் போது மேலும் விலை சரிய வாய்ப்புள்ளது. இவ்வாறு கொப்பரை உற்பத்தியாளர்கள் தெரிவித்தனர்.

சர்க்கரை இனிக்கிறது; விலை கசக்கிறது : மூட்டைக்கு ரூ. 400 திடீர் உயர்வு

கோவை: பருவத்தில் பெய்யத் தவறிய மழை, விளைநிலங்களை மனையிடங்களாக மாற்றியது போன்ற காரணங்களால், கரும்பு உற்பத்தி குறைந்து, சர்க்கரை விலை மூட்டைக்கு 400 ரூபாய் வரை உயர்ந்துள்ளது.

இந்தியாவில் அதிக அளவு கரும்பு உற்பத்தியாகும் மகாராஷ்டிரா, ஆந்திர மாநிலத்தில் கடந்த பருவத்தில் எதிர்பார்த்த மழை இல்லாததால், விளைச்சல் இல்லாமல், கரும்பு உற்பத்தி பாதிக்கப்பட்டது. இதனால், மார்க்கெட்டில் மூட்டை ஒன்றுக்கு 400 ரூபாய் வரை சர்க்கரை விலை உயர்ந்துள்ளது.

இந்தியா முழுக்க சர்க்கரை விலை வழக்கமாக சீராக இருக்கும். கரும்பு விளைச்சல் பாதிக்கப்படும்போது மட்டுமே விலை உயரும்; கரும்பு உற்பத்தி அதிகரிக்கும்போது விலை குறையும். லாரி ஸ்டிரைக்கிற்கு முன், 100 கிலோ எடை கொண்ட ஒரு மூட்டை சர்க்கரையின் விலை 1,850 ரூபாயாக இருந்தது. தற்போது, 2,250 ரூபாய்க்கு விற்கப்படுகிறது. சில்லரை வியாபாரிகள் 19 ரூபாய்க்கு விற்ற ஒரு கிலோ சர்க்கரையை, 23 ரூபாய்க்கு விற்பனை செய்கின்றனர். கிலோவுக்கு நான்கு ரூபாய் உயர்ந்துள்ளது. சர்க்கரை விலை உயர்வால், டீ, காபி, மற்றும் இனிப்பு விலை உயர வாய்ப்புள்ளது. இந்தியாவில், 80 சர்க்கரை ஆலைகளை கொண்ட மாநிலம் மகாராஷ்டிரா. அங்கிருந்து நாட்டின் பல்வேறு பகுதிகளுக்கு சர்க்கரை அனுப்பப்படுகிறது. மகாராஷ்டிராவில், கரும்பு உற்பத்தி பாதிக்கப்பட்டதால், சர்க்கரை உற்பத்திக்கு தேவையான கரும்புக்கு மற்ற மாநிலங்களிடம் கையேந்த வேண்டிய நிலை உள்ளது.

தமிழகம், ஆந்திரா உள்ளிட்ட பல்வேறு மாநிலங்களில் அறுவடையாகும் கரும்பு, மகாராஷ்டிராவில் உள்ள சர்க்கரை ஆலைகளுக்கு கொண்டு செல்லப்படுகிறது. இதனால், இந்தியா முழுவதும் கரும்புக்கு தட்டுப்பாடு ஏற்பட்டுள்ளது. தேர்தல் வரும்போதெல்லாம் சர்க்கரை ஆலை உரிமையாளர்கள் நிதி கொடுக்க வேண்டும். அதற்காக, ஆலை உரிமையாளர்கள் இணைந்து, ஒரு குறிப்பிட்ட தொகையை உயர்த்தி இருக்கலாம் என்று பரவலாக பேசப்படுகிறது. என்ன தான் விலை உயர்ந்தாலும், ரேஷனில் சர்க்கரை கிலோ ரூ.13.75க்கு கொடுக்கப்படுகிறது என்பது தான் சற்று ஆறுதலான விஷயம்

மற்ற ஏ.டி.எம்.,மில் பணம் எடுக்க கட்டணம் ரத்து: ஏப்ரலில் அமல்

மும்பை: மற்ற வங்கி ஏ.டி.எம்., பயன்படுத்தி பணம் எடுக்கும் போது வசூலிக்கப்படும் கூடுதல் கட்டணம் 20 ரூபாய் ரத்தாகிறது; ஏப்ரல் முதல் அமலுக்கு வருகிறது. ஒரு வங்கியில் கணக்கு வைத்திருந்து, அதன் ஏ.டி.எம்.,கார்டை, மற்ற வங்கிகளின் ஏ.டி.எம்.களில் பயன்படுத்தி பணம் எடுத்தாலோ, கணக்கு இருப்பு சீட்டு பெற்றாலோ கூடுதல் கட்டணம் வசூலிக்கப்படும்;பணம் எடுத்தால், 20 ரூபாய் வசூலிக்கப்பட்டு வருகிறது. இந்த கூடுதல் கட்டணத்தை ரிசர்வ் வங்கி ரத்து செய்ய முடிவு செய்துள்ளது. ‘ஒரு வங்கி கணக்கில் இருந்து பணம் எடுக்க மற்ற வங்கி ஏ.டி.எம்.,களை பயன்படுத்தும் போது, அதற்கு கூடுதல் கட்டணம் வசூலிக்கும் முறை ரத்து செய்யப்படுகிறது. இதற்கான தொழில்நுட்ப வசதியை ரிசர்வ் வங்கி ஏற்படுத்தி உள்ளதால், எந்த ஒரு வங்கியும் இனி கூடுதல் கட்டணம் வசூலிக்காது’ என்று ரிசர்வ் வங்கி அறிவித்துள்ளது. பணம் எடுப்பது மட்டுமின்றி, கணக்கு இருப்பு ரசீது பெறுவது உட்பட எந்த ஒரு சேவைக்கும் கூடுதல் கட்டணம் ஏப்ரல் ஒன்றாம் தேதி முதல் இருக்காது. அரசு வங்கிகள் மட்டுமின்றி, தனியார் வங்கிகளுக்கும் இது பொருந்தும். ஆனால், வெளிநாடுகளில் உள்ள ஏ.டி.எம்.,களில் இருந்து கிரெடிட் கார்டை பயன்படுத்தி பணம் எடுக்கும் போது மட்டும், வங்கி நடைமுறைப்படி, வங்கிகள் கட்டணம் வசூலிக்கலாம் என்றும் ரிசர்வ் வங்கி கூறியுள்ளது. ‘ஒரு வங்கி கணக்கில் பணம் கையாள, இன்னொரு வங்கி ஏ.டி.எம்.,ஐ பயன்படுத்தினால், கூடுதல் கட்டணம் வசூலிப்பதால், குறிப்பிட்ட சில வங்கி ஏ.டி.எம்.,களில் கரன்சி நோட்டுக்கள் தேங்கி விடுகின்றன; சிலவற்றில் அடிக்கடி தீர்ந்தும் விடுகின்றன. இந்த நிலையை போக்கவும், ஏ.டி.எம்.,களை பொது மக்கள் அதிகம் பயன்படுத்தவும் இந்த நடவடிக்கை எடுக்கப்பட்டுள்ளது’ என்று ரிசர்வ் வங்கி தரப்பில் விளக்கம் தரப்பட்டுள்ளது

ஓ.என்.ஜி.சி.,யிடமிருந்து ரூ.1,000 கோடி மதிப்புள்ள ஆர்டரை பெற்றது எஸ்ஸார் ஆஃப்ஷோர்

மும்பை : எஸ்ஸார் ஆஃப்ஷோர் நிறுவனம், ஓ.என்.ஜி.சி.,யிடமிருந்து ரூ.1000 கோடி மதிப்புள்ள ஆர்டரை பெற்றிருக்கிறது. ஓ.என்.ஜி.சி.,க்கு இந்தியாவின் மேற்கு கடற்கரையில் இருக்கும் எண்ணெய் பிளாட்பாரங்களை மாற்றி அமைத்து அதில் தேவையான இயந்திரங்களை அமைத்து கொடுக்கும் வேலையை எஸ்ஸார் ஆஃப்ஷோர் நிறுவனம் செய்யும்.

by dinamalar